因為疫情關係 今年結婚周年計劃好的日本之旅被迫取消了 避免受感染亦減少去人多地方，也無與家人外出慶祝 簡簡單單煮了我們一家愛吃的海鮮 ... 潮州凍蟹 + 氣炸芝士蝦意粉 潮州凍蟹外出食是貴價菜，自己做就最抵食 其實潮州凍蟹的做法很簡單，最重要是買到新鮮的花蟹 【潮州凍蟹的做法】 1. 花蟹買返來直接放冰箱上層冷凍 1 小時 2. 取出花蟹清洗乾淨後，蟹腹自上隔水大火蒸約 20 分鐘至熟透 3. 待蟹放涼後就可以蘸蟹醋一起食用 【蟹醋調法】 將適量鎮江醋、黃糖和豉油拌勻 (比例約 3:1:1)，加入適量薑粒更好味 〈如果覺得蟹醋味道太濃可以加入少少暖水〉 這晚調的蟹醋味道啱啱好，我們連醋都乾哂 ~~ 氣炸芝士蝦意粉儍媽都是第一次做，配料和份量都好隨意 出爐覺得芝士唔多夠，下次可以放多點芝士 意粉無醬汁，入口較乾身 焗盤邊的意粉氣炸到脆卜卜，配上芝士好好吃 ~~ 【氣炸芝士蝦意粉的做法】 1. 煮滾一鍋水下少許鹽，放入意粉煮至軟身，瀝乾水放入橄欖油、黑楜椒和鹽拌勻 2. 蝦洗乾淨抹乾，去腸備用 3. 將意粉放入焗盤，再放上蝦和灑少少黑楜椒和鹽 4. 最後鋪上芝士和放入牛油，用 180 度氣炸 10-12 分鐘 ** 以上分享是以我的口味、喜好和情況作出分享及感受，一試 / 合用與否請自行決定 ** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
