上個星期四是國際婦女節,約了閨蜜出來慶祝 ~~ 就食她想食好耐的韓國菜 ... 特登帶她來這間我鍾意 Bingo and Cook 最鍾意坐在靠窗的位置,望著窗外的街景邊傾邊食,真是好寫意的 ~~ 這兒每道菜的份量都幾大份,預先叮囑友人先點兩道菜,唔夠才再添 今次是朋友仔點菜的,她居然點了我每次來都食的生菜包肉和魷魚炸雞 ... 果然是閨蜜,口味都一樣的 ~~ 好大盤的 ... 生菜包肉 HK$210 最鍾意它配菜夠多,可以任意配搭食出多樣味道 ... 豬肉片不太肥,無論配韓式辣醬、醃蘿蔔、辣泡菜、洋蔥 ... 都咁好味 ~~ 亦是好夠份量的 ... 韓式魷魚炸雞 HK$180 上面有一隻炸魷魚 下面是鋪滿炸雞、兩件粟米和兩個細薯仔 店員上枱後先剪開魷魚 魷魚和炸雞都被一層脆卜卜的炸漿包裹 魷魚鮮味又彈牙,雞肉嫩滑不油膩 附上四款醬汁任意搭配來食 朋友仔的可樂 $30 我就點了杯 ... 藍莓米酒 HK$68 ... 原來是沙冰來的 上層是藍莓醬和新鮮藍莓,下層是韓國米酒做的沙冰,香甜易入口 現在在午市時段 由中午 12 點至下午 3 點仲有 8 折 ... 好抵食呢 !!! Bingo and Cook 香港 銅鑼灣 駱克道 487-489 號 駱克駅 2 樓 ** 以上分享是以我的口味、喜好和情況作出分享及感受,一試 / 合用與否請自行決定