今年中秋節正日，碰巧是囡囡學校假期 我們兩母女出去撐枱腳食個晏先 ~~ 這日去了朋友介紹的韓國餐廳 朋友仔特別推介 ... 用特製火山岩焗爐高溫烤焗出來的韓式烤雞和薄餅 這個 8" 韓式芝士薄餅 Gorgonzola 就是用後面的特製火山岩焗爐高溫烤焗出來 薄餅邊的外層烘至香脆，但是裡面保持柔靭 加埋咸香的芝士和甜絲絲的蜜糖，會讓你吃不停食 平日下午提供的午市套餐選擇蠻多 我們食的 8" 韓式芝士薄餅連沙律和飲品，一客盛惠 HK$108 +HK$10 可以配一串好特別的韓式小食 ... 魚蛋年糕串 好鍾意食韓式魚蛋和韓式年糕 今次將兩者合而為一，用韓式魚蛋捲住年糕 再在上面掃少少微辣的韓式辣醬和芝麻，一次過滿足我兩個願望 ~~ 飲品可以揀鮮檸檬茶 / 蜂蜜柚子茶 / 薑茶 / 水果茶 原來水果茶也可以再揀西柚、藍莓、水蜜桃 ... 我就點了杯香甜的凍水蜜桃茶 囡囡 +HK$20 配了杯西柚梳打 西柚梳打裡面有少少新鮮西柚粒，味道酸酸甜甜，消暑又解渴 午餐的前菜 ... 芝士沙律配油醋汁 另一份午餐就點了客 ... 新式牛肉拌飯 New Style Bibimbap with beef 不用傳統熱騰騰的石鍋 改用一隻大碗裝著豐富的食材和米飯 食前將韓式辣醬拌勻，好適合夏天的口味 剛開店就去到，我們兩個為食怪又做了這日的第一枱食客 餐廳環境不錯，尤其鍾意靠窗的座位，有足夠日光又夠開揚 午市套餐只限平日提供的，周末和假期不供應的 The Hwaduk 香港 銅鑼灣 開平道一號 The Cubus 21 樓 https://www.facebook.com/thehwadukhk/ ** 以上分享是以我的口味、喜好和情況作出分享及感受，一試 / 合用與否，請自行決定
