其實不是女士至鍾意 shopping 在今次關西之旅就知道我家的男子組比女子組更鍾意 shopping 話說當日在大阪阿倍野 我們一家四口分了兩組 ... 男子組和女子組 ... 各自活動 本來大家都各自在商場 shopping 男子組當然逛男裝和玩具 ... 女子組就逛女裝、飾物、精品 ... 但我和囡囡逛了無耐就被這張 poster 上紅卜卜的士多啤梨甜品吸了入去 ... 每年一月至三月是日本士多啤梨的當造期 所以推出了以當季的日本士多啤梨為主要食材的『期間限定』下午茶餐 我們點了一客 4 品的士多啤梨甜品下午茶餐 1,720YEN 以圓形滕籃盛裝 ... 賣相很精緻 4 款士多啤梨甜品配一壺紅茶 全部甜品都好吸引 ... 就由雪糕開始 ... 曲奇很酥脆,微酸的乳酪雪糕配埋杯底香甜的士多啤梨醬一起食,味道清新又開胃 接著到英式鬆餅配紅莓醬 鬆餅仲暖笠笠,外面脆裡面鬆軟,一撕開就聞到很香的牛油味 我鍾意加少少香甜的忌廉和酸甜的紅莓醬一起食 之後,到杏仁脆餅配士多啤梨醬 仲有件好好食的士多啤梨蛋糕,我食了一小啖就比囡囡食哂囉 !!! 一整壼的紅茶,足足有 3 杯份量 用岡山縣產的茶葉,滲出淡淡的茶香,訧咁飲都覺得順口又甘甜 但囡囡就鍾意加片檸檬落去,多聞檸檬香味仲好飲 我們兩個儍瓜看著枱上包得精緻的糖粒 才發覺原來這兒就是我們好鍾意逛的日式歐風雜貨店 Afternoon Tea 的咖啡店 店外有賣 Afternoon Tea 自家的茶葉、餅乾等 ... 可以買些返去當手信呢 !!! Afternoon Tea TeaRoom 大阪府大阪市天王寺区悲田院町10-48 天王寺ミオ プラザ館 3階 https://www.afternoon-tea.net/tearoom/ ** 以上分享是以我的口味、喜好及情況作出分享和感受,一試 / 合用與否請自行決定 2017 日本關西鐵道遊 【日本 ♥ 可口可樂 ♥ 戰利品】新推出的冬季限定薑味可口可樂與粉紅色心心碟 【■全部都是士多啤梨】士多啤梨蛋卷 ♥ 士多啤梨麵包 ♥ 士多啤梨惠方卷 ♥ 士多啤梨三文治