【2016 年 11 月 19 日】 與囡囡在銅鑼灣逛了一陣有點累 入到希慎廣場見到間幾特別的甜品店，就入去食個甜品休息吓 但坐下至知 ... 原來是 Honeymoon Dessert De Avenue ... 即是滿記 ... 這兒的裝潢有別於其它分店，時尚簡潔的休閒風格，感覺較年輕 有店內的座位和店外半開放座位 除了招牌甜品，也有餐湯、意粉、薄餅等食物 我們點了兩款至愛的榴槤甜品 每次到滿記必點的甜品 ... 榴槤班戟 我們咁愛它的原因是它真的很足料 ... 不會忌廉多過榴槤肉 一客兩件，我與囡囡一人一件唔洗爭 ~~ 薄薄的班戟皮包著滿滿的榴槤肉和香滑的忌廉 滿口香甜濃厚的榴槤，好滿足喔 !!! 仲有好豐富的 ... 榴槤忘返 有一球榴槤蓉和一球紫糯米，仲有碗底的呍呢嗱沙冰 香濃的榴槤蓉加少少軟糯的紫糯米和凍凍的沙冰一起食 一次過滿足多種味覺享受，真的會令你榴槤忘返呢 !!! Honeymoon Dessert De Avenue 香港 銅鑼灣 軒尼詩道 500 號 希慎廣場 3 樓 317-319 號舖 ** 以上分享是以我的口味、喜好和情況作出分享及感受，一試 / 合用與否請自行決定
