【2016 年 1 月】 囡囡上了興趣班，有成兩個鐘咁多，最好就是搵間舒服點的餐廳食晏和坐下 這日揀了附近商場 Mikiki 的 California Pizza Kitchen 周末都有 set lunch ... 又幾好喎 HK$68 份午餐，有頭盤 / 湯 / 沙律 + 主菜 + 飲品 ... 幾抵食喎 我們點了兩份午餐 ... 加州鮮蝦卷 + 煙肉芝士忌廉汁意大利粉 + 熱咖啡 墨西哥粟米湯 + 夏威夷風味薄餅 + 凍檸檬茶 加州鮮蝦卷是冷盤，以薄薄軟軟的米粉紙包裹鮮蝦、蔬菜絲和米粉 點少少酸酸甜甜的醬汁來食很開胃 煙肉芝士忌廉汁意大利粉有很多的青豆和煙肉 芝士忌廉汁又不會過量，每條意粉都沾了芝士忌廉汁，加埋惹味的煙肉，很好味 如果將點青豆換隻溫泉蛋就正喇 !!! 墨西哥粟米湯真是好有墨西哥風味，好足料又充實，裡面仲有很多粟米粒粒 一向較喜愛酸酸甜甜的食物，所以特別鍾意千島醬汁的夏威夷風味薄餅 只是好簡單的餡料火腿、菠蘿和芝士 但是配埋焗到香脆的批邊，食落去好似麵包的薄餅底，四件好快就食哂喇 !!! 飲品點了熱咖啡和凍檸檬茶 凍飲唔需加 $$，凍檸檬茶和汽水仲可以無限添飲 ~ ~ California Pizza Kitchen 香港 九龍 新薄崗 太子道東 638 號 譽港灣 Mikiki 商場 G 樓層 G12 號舖 ** 以上分享是以我的喜好、口味和情況作出分享及感受，一試 / 合用與否請自行決定
