【2015 年 7 月】 暑假一家四口去了日本旅行 由於凌晨機‧，諗住去到機場至食晚飯 而乘搭的廉航 Peach 在機場 Terminal 2 check-in ... 當然在 Terminal 2 搵食喇 !!! 原來這兒有『阿鴻小吃』 N 年前在北角試過一次，一直都好掛住它的鹵水 成日都話去食，到它搬了去觀塘都未再試 估不到旅行前可以圓到這個心願 原來它不只連續多年榮獲米芝蓮一星殊榮 還獲得美國有線電視新聞網絡 CNN 全球六大最佳機場食府和 穆迪報告機場餐飲大奬 FAB 最佳地道風味大奬 嚟阿鴻小吃當然要點它們的招牌 ... 鹵水喇 !!! 例牌 HK$148 雙拼 HK$158 三拼 HK$178 我們就點了啖啖肉又好好餸飯的鹵水豬腩肉拼鹵水鵝腎 鹵水汁咸甜適中，除了有甘草、香芧、八角、果皮、桂皮、香葉、花椒等材料 還加入了羅漢果，所以有種甘甜味，好來佐飯一流 這碟蔡瀾撈麵 HK$48 也是我的推介的 因為著名食家蔡瀾先生都 LIKE 的撈麵，當然是好野 麵質爽口彈牙，豬油的油香加埋薑蔥一起吃，好滿足呀 !!! 枱面有一小花瓶好足料的 XO 醬，裡面有少少蝦仔、乾瑤柱和辣椒等配料 加少少 XO 醬和撈麵一起食，仲惹味呀 !!! 本來仲想食芥末雞腳筋 ... 但是上機前唔好食咁飽 ... 唯有留番下次喇 !!! 阿鴻小吃。和港機場店 香港國際機場二號客運大樓翔天廊第三層 3P116 及 3P117 http://www.hungsdelicacies.com/ ** 以上是以我的口味、喜好和情況作出分享，一試 / 合用與否請自行決定
