我們好鍾意食湯圓，通常都是用薑茶湯底配湯圓 有時都會用凍豆漿配湯圓 ... 因為小朋友鍾意凍食嘛 上星期有幸參加小寧波湯圓甜品工作坊 可以跟廚藝精湛的黃淑儀 GIGI 姐學整創意湯圓甜品 GIGI 姐好鍾意小寧波湯圓的 除了因為香港製造、不加防腐劑和色素、最重要是選用健康的植物油 活動的地點位於尖沙咀中港城的 Flame at Town Gas Avenue 一直都好鍾意睇 GIGI 的飲食節目 今次可以現場跟她學煮野食 ... 好開心呀 !!! 第一道甜品的食材好簡單 ... 只須預備兩款食材 ... 小寧波新推出的綠茶紅豆湯圓和西瓜 做法也好簡單 ... 首先開大火用水煮滾湯圓至浮面就可以熄火，撈起湯圓待涼備用 將西瓜肉磨成茸，連西瓜汁放回西瓜裡面 最後把湯圓放回西瓜中就得喇 ! 好鍾意 GIGI 用的手磨西瓜汁這個方法 汁底裡面除了有西瓜汁，還有很多西瓜茸，食上去好有口感 西瓜汁及和風口味的綠茶紅豆湯圓好搭配 ... 同樣都是咁清新 紅豆蓉餡料不太甜，以綠茶粉製成的湯圓皮都是咁軟糯，還多了陣綠茶的甘香 這款凍食的湯圓甜品，食材和做法都好簡單 不只啱哂兩隻小魔怪食 ... 亦好啱他們做 ... 教識他們下煮番比我食都得喎 GIGI 姐的製成品靚好多 ... 靚到好以甜品店的一樣 ... 下次要學下她咁裝飾先 第二道湯圓甜品的食材和做法亦好簡單 ... 食材有炒香白芝麻半杯、椰絲半杯、糖適量 還有我至鍾意的小寧波芝麻湯圓和花生湯圓各一盒 又是開大火用水煮滾湯圓至浮面就可以熄火，撈起湯圓待涼備用 把椰絲、芝麻和糖放入保鮮袋搖勻，備用 將瀝乾水份的湯圓和配料倒入盤中撈勻，使每粒湯圓沾滿配料上碟就完成囉 我的 ... 芝麻椰絲拌湯圓 ... 賣相不錯吧 !!! 這個甜品有點似糯米滋，又幾特別喎 !!! GIGI 姐的製成品加了車厘子粒裝飾，又以蛋糕紙裝住 除了賣相靚好多，也好適合作派對的甜品 今年小魔怪學校聯歡會的小食唔須諗咁多 ... 一於整芝麻椰絲拌湯圓喇 !!! More information : 小寧波湯圓 HK Facebook Fans Page https://www.facebook.com/SiuNingBo 官方網頁 http://www.yue-shing.com.hk/ ** 多謝品牌是次活動邀請 ** 以上分享是以我的口味、喜好及情況作出分享和感受，一試 / 合用與否請自行決定
