【2015 年 5 月】 兩隻小魔怪好鍾意食窩夫 這日咁啱路過這間好多朋友都推介的食店樓下 當然要上去試下喇 !!! 由於下午茶時段已過，又未到晚飯的旺場，只有幾枱食客 我們坐在窗邊位，望住窗外的靚景食野好寫意呀 !!! 甜甜酸酸的水果茶一向都是囡囡的至愛，不只有茶飲，仲有粒粒水果食 而熱著的水果茶，可以讓水果更出味，咁大壼茶慢慢嘆都不怕凍哂 而儍爸的凍蜜桃茶都有水蜜桃在裡面 這兒的窩夫有兩款 ... 香脆窩夫和夾了柔麻糬餡的窩夫 配一款自選 Movenpick 雪糕 (呍呢嗱 / 朱古力 / 榛子 / 紅莓雪葩) 我們各點一份來試 日式麻糬窩夫伴抺茶忌廉配雪糕 HK$88 ... 賣相好精緻 !!! 心形的窩夫好靚 !!! 窩夫外層香脆，裡面的麻糬煙煙靭靭，還有淡淡的抹茶味 仲有香滑的抹茶 mousse 、糖漿和紅荳蓉，配埋一起仲好味 Oreo 朱古力布朗尼窩夫配雪糕 ... 半份 HK$78 / 一份 HK$118 ... 我們點了一份一起食 花形窩夫上面有很多配料，很豐富 有吉士醬，朱古力 OREO 餅乾，朱古力雪糕和朱古力 brownie 好多朱古力 ... 啱哂愛古古力的囝囝 窩夫頗厚身，外面鬆脆，裡面軟軟的，又有蛋香味 好食的真是食極都唔夠，再追加多一份 ... 焦糖蜜桃金寶窩夫配雪糕 HK$118 雖然配料唔夠剛剛的 OREO 窩夫咁多 但是有很多我鍾意的吉士醬和水蜜桃，上面仲有塊可愛的熊仔脆脆 Espuma 中環威靈頓街 2-8 號 M88 17 樓 ** 以上分享是以我的口味、喜好和情況作分享及感受，一試 / 合用與否請自行決定
