這日無帶兩隻小魔怪，兩口子外出逛街 到了 Elements 的 Cafe Habitu 食晏 不太多人，環境也不錯 我們的座位望住溜冰場，喝住咖啡睇住人溜冰 ... 又幾寫意 一向鍾情紫色 ... 一坐下就比這杯紫色的紫薯豆奶咖啡吸引著 浪漫的紫色 ... 還要是冬季期間限定 ... 梗係要試喇 !!! 紫薯豆奶咖啡 Sweet Potato Soya Milk Latte HK$49 加了紫薯做的忌廉好靚喔 !!! 但點解 D 忌廉咁少的 ... 張相的紫薯忌廉成座山咁高喎 ?! ?! ?! 先試少少紫薯忌廉，原來裡面還有新鮮紫蕃薯粒 以 Habitu 自家調配的 Classico No.3 特濃咖啡為基礎 由於紫薯帶甜及我唔鍾意飲太甜，所以將紫薯忌廉及咖啡混和後至飲都夠甜 有香濃紫薯味 ... 又有咖啡味 ... 都幾特別 儍爸也點了好特別的 印度香料咖啡 Masala Spiced Latte HK$46 心形拉花 ... 好靚呀 ! 雖然是 latte，但奶味不重，飲落去有陣印度的香料味 飲到底飲到有粒硬物 ... 原來是八角 ... 全日豪華早餐 All Day Breakfast HK$112 都幾豐富 ... 有軟滑炒蛋、香草肉腸、煙三文魚、煙肉 ... 炒蛋夠滑又有牛奶香味 我至鍾意玫瑰草莓果醬，真是有玫瑰花香味又有士多啤梨的果香味 配埋面層烘到脆卜卜，裡面又鬆軟的厚多士 ... 真是好好味 濃香煙肉忌廉意粉 Spaghhetti Carbonara HK$98 醬汁 creamy 又濃稠 !!! ** 以上分享是以我們的口味、喜好及情況作出分享及感受，合用 / 一試與否請自行決定
