周六晚上經過深水埗青山道,發現開了一間新的粵菜小館-御廚工房，喜歡食粵家菜的我，當然非試不可，打開餐牌，發現很多傳統的粵菜，老闆介紹了幾款皇牌推介: 金銀菜燉白肺湯—大廚採用新鮮豬肺加4小時烹燉，老火靚湯，味道甘甜，豬肺處理得非常乾淨，而且用料十足，一煲靚湯！ 銀山火焰桶蠔--賣相相當吸引，用火燒著錫紙圍好的桶蠔，桶蠔鮮味肉厚，大廚以三蔥爆炒，令蠔非常惹味，而且份量又多，不可不試。 川式水煮桂花魚--呢個水煮魚，係我食過最滑嘅水煮魚！師傅用上新鮮嘅桂花魚，原條起片，水煮汁內有 20 多款香料，麻同辣都好有層次，一啲都唔油膩,而且仲選用闊身川粉，除左係成都食過，香港都係第一次食到，闊身川粉口感煙韌惹味，絕對值得推介！ 黑椒粉絲娃娃菜—簡單一道炒菜加了黑椒和蝦米，提味不用花太多，調味味道已經很清香，而且大廚炒得很乾身，讓這道菜香甜又好吃. 秘制銅盆雞-- 大廚採用新鮮頂級黃油雞起骨，再切細件放在銅盆，加入紅棗木耳來蒸，鮮香四溢，「坊間蒸雞會用瓦煲或不銹鋼碟，用銅盆則可讓雞件均勻受熱，香味更為持久。 冰震咕嚕肉--這咕嚕肉比平常的大少許，咬下去外凍內暖，最難得的是表皮勁脆，因為埋在冰裏面，所以只有表皮掛有醬汁，但味道仍然調校得恰到好處。點擊圖片放大 +6
