嚟到最後一日， 實要貫徹去chur盡佢！ 我地一早就check out， 然後去Amarin Plaza食早餐， o係Amarin Plaza個food court係出名較為早開ge， 我就點咗個魚蛋粉配檸檬茶。 老實講， 個人認為泰國嘅魚蛋粉真係檔檔都好食， d魚蛋又爽la， d河粉又滑wo！ 食飽之後， 我地就過去對面Central World開始血拼la~ 我地先去Beauty Cottage， 其實我對化妝品真係唔識ga， 但我個friend話呢間幾好ga wo， 其中有隻香水嘅味道更加係似名牌子嘅香水味。 嘩！ 講到咁， 我都買返支畀表姐試下la~ 買完香水、化妝同護膚品， 跟住我地就去隔幾個鋪位嘅NARAYA。 嚟到泰國， 港人必買嘅曼谷包ar~ NARAYA真係o係泰國買嘅話抵好多， 而且仲有好多款式。 今次仲畀我發現到除咗經典大熱o個隻蝴蝶結款式嘅包包之外， 佢仲推出咗隻無蝴蝶結嘅牛仔布款嘅斜揹袋同背囊！ 無咗個蝴蝶結， 男仔揹都得la~ 我地一袋二袋咁， 不經不覺咁已經逗留咗成個幾鐘la~ 我地要急急腳咁行去Siam Paragon個超市掃手信。 其實， 之前o係Big C已經買咗好多零食返去做手信ga la， 但我地都要去埋Siam Paragon個超市係因為我地想買d泰國特產嘅生果返香港ar ma。 Siam Paragon個超市比Big C嘅感覺嚟得high class d， 所以我prefer o係度買生果， 起碼有個啊姐幫手揀d靚d嘅生果ar ma。 我主打水仙芒， 二百bhat左右一個， 價錢唔算平， 但睇同聞落都好靚好香！ 血拼完都肚肚地餓， 不過， 我班朋友book咗12點去做spa， 於是我地就去返Siam Square One o個度la。 我地之前book咗Center Point o個間， 我自己就對spa、按摩呢d不大興趣， 所以只係得我o個4位朋友入去按， 我就o係附近Siam Square周圍行行逛逛繼續shopping。 直到三個鐘後， 我再買埋少少野食同佢地會合。 我班friend做完spa都異口同聲話間野好正， 除咗裝修、擺設好貴麗堂皇之外， d服務同按法仲好一流， 係咁叫我下次一定要試下wo~ 由於個spa都成三個鐘， 我地由朝早o個餐後就再無食野la~ 於是， 我地返到酒店大堂攞行李時， 就順便o係大堂個cafe毫不客氣咁食埋我之前買落o個少少野食la~ 大堂cafe個職員見我地食緊d唔係佢地嘅product就走埋嚟， 要我地點埋佢地menu嘅野食先可以坐o係度食。 我地班cheap精唔想o係大熱天時嘅open area食， 就求求其其點咗個最平嘅炒飯。 點擊圖片放大 分別係：芒果糍米飯、越式春卷同酒店炒飯 唔知係咪肚餓得滯， 估唔到佢個炒飯又幾好食ga wo~ 食完呢餐我地就趕機鐵去機場返香港la~
