今次嘅主題特登強調「精華」呢兩個字， 原因係o係三日兩夜咁短嘅時間 要去盡曼谷嘅好玩、好食， 又要有好野買嘅地方， 實行chur到爆！ 既然講到要搵野買， 而又適逢禮拜六、日， 咁翟道翟週末市場就完全無理由唔去la~ 我地o係Ibis酒店對面嘅MBK商場的士站上的士。 揀o係MBK上車， 原因都係貪佢可以用咪錶計錢。 期間個的士司機有撩過我地畀多幾十泰銖佢， 佢就行條快d嘅路， 我地雖然行程緊湊， 但真係唔趕時間， 而且都唔肯定所謂「快d嘅路」係咪真係快d同唔塞車， 我地見都唔係返工返學嘅繁忙時間， 於是決定向個的士司機say NO！ 咁其實落車都係大約THB 110， 同過期嘅旅遊書講嘅咪錶價都係差唔多者。 我地一落車就先去搵野食， 我地求求其其揀咗間聞落好有鑊氣嘅餐飲檔， 叫咗個青木瓜沙律、燒雞脾、燒豬頸肉、炒Pad Thai、青咖喱同馬拉盞通菜， 再一人一杯鮮揸果汁。 點擊圖片放大 +4 唔知係咪無食早餐， 肚餓得滯， 特別覺得d野食幾好味。 之後， 我地就開始血拼la~ 翟道翟週末市場 由於翟道翟週末市場真係大得恐怖， 完全搵唔返上次畢業旅行到過嘅攤檔。 所以我地決定不走回頭路， 總之睇啱就殺價， 價唔啱就走去第二檔， 大家都o係度買到各自嘅心頭好~ 買到咁上下， 我地仲o係翟道翟食咗個下午茶， 就係椰子雪糕加椰青水。 一球椰子味雪糕配上三種配料同埋個迷你椰皇殼， 都幾有gimmick！ 而且大熱天時下食就邪涼快ga~ o係翟道翟食完、買完， 我地就打的返酒店la~ 同琴日一樣， 一放低d戰利品， 我地就要chur住咁去另一景點—— Siam Square la~ Siam Square都有好多攤檔買野， 但我地今晚嚟就主要係食野la~ 原本打算先食晚餐再食甜品， 但我地見由酒店行過去係先經甜品店——Mango Tango！ 於是， 我地就決定先食甜品後食晚餐， 我地o係Mango Tango分別叫咗兩碟芒果糯米飯同雪糕芒果糯米飯。 真係好好味， d芒果甜到不得了！ o係香港真係食唔到呢個味道！ 而加埋芒果味雪糕一齊食， 三種層次o係個口度， 又真係好得意！ 唔怪得網上面咁多人都讚呢間甜品店la~ 食完芒果糯米飯， 我地就去Ban Khun Mae食傳統泰菜。 Ban Khun Mae 我地五個人但叫咗八餸一湯， 有泰式春卷、蝦餅、串燒、豬頸肉、蒸鱸魚、大蝦粉絲煲、炒雜菜、菠蘿炒飯同埋冬蔭公， 點擊圖片放大 +7 真係食到飽上心口， 最後我地行返去酒店附近嘆返個腳底按摩， 梳乎一下先~
