又嚟到一年一度同大學同學一齊去旅行嘅時間la~ 奈何今年大家攞假方面有d出入， 結果只夾到一個週末， 星期五、六、日咁去玩。 所以今次只能揀d機程短短地， 而又好易plan， 無乜行程嘅地方， 結果就係曼谷la~ 我地一到埗就先到酒店check in， 今次我地揀咗o係National Stadium間Ibis Hotel。 Ibis嘅酒店出名價格中下， 不過， 我都係第一次入住Ibis， 唔知道原來check in o個陣要畀2千bhat押金， 好彩自己身上有足夠泰幣畀佢， 如果唔係都唔知點算好~ Check咗in同放低行李過後， 我地就開始今日嘅行程la~ 首先我地就由National Stadium行去Big C隔離間SuperRich唱錢， 再轉出去食埋個水門雞飯做lunch， ~平靚正嘅水門雞飯~ 食飽飽就去行Big C la~ 其實自己都真係嚟過好多次曼谷， Big C亦基本上係例牌嘅行程， 所以我都只係買d新口味嘅零食當手信咁la~ 但我另外o個幾位朋友竟然瘋狂咗係咁掃貨。 由於我地無帶環保袋， Big C d膠袋又細細個咁， 我地就唯有一袋二袋咁拎返酒店la~ 返到酒店將d戰利品放好後， 我地又要起行la~ 因為我地今晚要去Asiatique度食晚飯兼行街， 由於我地選揀搭BTS去Saphan Taksin o個邊搭佢架shuttle boat入去Asiatique， 所以我地去到都已經8點咁滯。 大家亦都肚餓lu~ 我地於是搵咗間食泰菜嘅餐廳， 我地嗌咗個冬蔭公、烤魷魚、燒豬頸肉、飛天通菜、煎蠔餅同埋個菠蘿炒飯， 點擊圖片放大 老實講， 我就覺得d味道麻麻地者。 咁我地食完野就去shopping again la~ 唔知係咪都成10點嘅關係， 好多鋪頭仔都準備閂門， 我地都係行咗兩個倉左右就搭的士返酒店lu~ 值得一提， o係Asiatique嘅的士站搭的係唔洗講價， 絕對係用咪錶ge~ 只需畀20bhat服務費個Asiatique嘅職員 佢就會幫手安排架用咪錶收費嘅的士。 計落都抵ga， 因為泰國d的士司機實在太開天殺價la！
