第六日嘅主題就係「觀光」la~ 而講到觀光， 當然有新加坡嘅地標－－Merlion la~ 咁去睇Merlion之前， 我地就先去烏節路食個早餐同行個轉先la~ 早餐就係o係Killiney Kopitiam度食。 d旅遊書都有介紹過呢間cafe ga， o個度除咗有咖椰多士之外， 仲有其他款式嘅野食， 好似叻沙、豬腸粉同椰漿飯等等。 點擊圖片放大 （上至下）叻沙、咖椰多士、椰漿飯、豬腸粉及酸辣米 我地食完就沿住條鳥節路行la~ 其實對我地嚟講， 行烏節路真係打卡咁ga咋， 因為所有商店唔係名牌就係連鎖店嚟ge， 要買呢d， 倒不如返香港買la~ 不過， 我地又唔可以skip烏節路， 皆因我地想買斑蘭蛋糕返香港ma~ Bengawan Solo餅店o係烏節路就有幾間分店， 所以我地就打算去o個度其中一間分店， 睇下可唔可以幫我地訂幾個， 等我地去到機場o個間分店有得攞la~ 點知原來間餅店話無得咁樣訂， 但我地話因為我地坐夜機， 驚夜晚去到機場已經無得賣。 好彩後來有個職員話可以幫我地打電話去問機場o個間分店， 問下人地可唔可以留返幾個畀我地， 咁又有驚無險咁落咗order lu~ 行完烏節路， 我地就去Gardens by the Bay la~ 老實講， 我地真係有d揀錯時間嚟！ 我地o係正中午嘅時間去， 烈日當空咁， 曬到應一應！ 所以， 我地都無乜心機行， 只係o係d check point位影兩、三張相就走la， Gardens by the Bay，濱海灣花園 o係離開嘅時候， 我地順路經過埋金沙酒店 ， 係咁咦咁感受下d貴價酒店嘅氣氛。 跟住， 我地就去Merlion la， 我地好例牌咁同Merlion影合照， ~第六日~ 之後就沿住條新加坡河慢慢咁行去克拉碼頭 la~ o係行嘅過程中， 我地除咗可以欣賞新加坡河上嘅特色觀光船 外， 仲見到好多酒吧林立。 突然， 我醒起o係克拉碼頭好似有間以醫院為主題嘅酒吧－－The Clinic， 於是， 我地就打算去見識下la。 點知我地搵嚟搵去都搵唔到， 睇地圖o個陣， 有個人先話我地知原來間bar已經關門大吉！ O... 真係好失望ar~ 但係， 我地o係克拉碼頭就食到胡椒蟹。 我地o係珍寶海鮮酒家度食咗個胡椒蟹套餐， 除咗有好好味嘅胡椒蟹 ， 仲有海皇羹 、麥片蝦 等等， 再加埋哈密瓜西米露 一客， 點擊圖片放大 +2 （上至下）胡椒蟹、海皇羹、麥片蝦及哈密瓜西米露 真係好正ar！ 豪食胡椒蟹 我地5點半食， 食到太陽落山， 順理成章咁我地又可以欣賞埋克拉碼頭嘅夜景， 入夜嘅克拉碼頭果然更有氣氛~ 入夜後嘅克拉碼頭 最後， 我地就返番酒店攞行李， 搭返MRT去機場準備返香港lu~
