話咁快就第五日la~ 琴日由於我地太晏先去到牛車水， 搞到都買唔到手信， 於是， 我地今日一早起身就去牛車水la~ 第五日 我地先去好出名嘅啊坤多士食個早餐。 去過新加坡幾次， 但從來都無去試過， d人成日介紹咩咖椰多士好好味， 但自己就一次都未試過。 今次一嚟到， 當然就要試下佢最出名嘅啊坤咖椰多士la~ ~咖椰多士、養生蛋配咖啡~ 份多士脆卜卜， 配埋甜甜地嘅咖椰醬， 原來真係幾好味ga wo~ 後會有期la，啊坤 食飽飽之後， 我地就開始買手信大行動， 血拼一番！ 咩馮滿記藥油， 胡振隆、美珍香、林志源豬肉牛肉乾， 通通都買晒！ 買完手信， 我地就去麥士威熟食市場食lunch la。 可能我地遇正lunch hour la， 都好多人下， 我地等咗陣先搵到張枱。 之後我地就分頭行事， 先派人去天天海南雞飯排隊買飯， 然後再去第二d檔口睇下仲有d咩可以加嚟share食。 所以， 我地除咗食海南雞飯 ， 仲加多咗碟炒飯、油菜同埋碗出奇地好食嘅魚湯米線。 食完晏就， 我地就搭MRT返酒店， 打算放低d手信。 點知， 我地見酒店附近有間supermarket， 見今日係買手信日， 咪走埋入去， 睇下有咩啱買。 點知我地執下執下， 都執滿咗兩架手推車， 好誇張ar！ 我地就係咁一袋二袋咁拎住d手信， 返番酒店la。 返到酒店， 我選擇o係酒店hea下先， 另外有同學就襯呢個時間， 去小印度行下， 睇下野。 大約四點半， 我地又再一齊出發la， 目的地就係酒店附近嘅Bugis， 武吉士la~ 我地o係武吉士嘅一條街度見到有人賣雪糕磚， 為食嘅我地二話不說， 一人買咗一磚嚟食la~ 既好味又消暑， 正ar！ 冰涼好味雪糕磚 跟住， 我地就行去Zam Zam餐廳 食晚餐。 Zam Zam其實係食回教菜， 初時我都有d擔心， 擔心唔係咁啱自己口味。 我地叫咗兩份薄餅、一碟炒米粉、一碟咖喱雞、一碟羊咖喱飯同埋一碟牛咖喱飯， 賣相望落去就好似落咗好多香料咁， 不過， 食到落口發覺味道其實ok ga wo， 唔覺香料味好重， 而且唔太辣， 係唔錯嘅一餐。 ~美味回教餐~ 最後， 我地就去埋Bugis d商場同Bugis Street行街， 今日嘅吃喝、購物行程就咁就結束lu~
