今日一起身又開始我地個玩樂之行la， 今日嘅主要景點就係Sentosa聖陶沙。 我地o係香港出發前先o係Sentosa個官網買咗個2-day pass， 換句話講我地今日同聽日都會去聖陶沙， 而今日我地就主要玩聖陶沙自費嘅活動， 而o個d自費活動其實都係2-day pass包晒咁滯， 所以個2-day pass都幾抵玩！ 我地都係搭地鐵再轉單軌入聖陶沙， Sentosa及新加坡最大嘅Merlion 我地首先就去探訪o個個全新加坡最大嘅Merlion la~ 呢座Merlion其實係一座觀光塔， 可以走上飽覽成個聖陶沙， 而入面當然仲有一d展覽講Merlion嘅傳說la~ 之後我地就去玩Skyline Luge， 大家戴上頭盔， 坐落o個架車仔度， 勁似cross play緊Mario賽車咁。 我地由山頂鍊車鍊到落山底， 但真係好似佢o個句slogan咁：Once is never enough！ Skyline Luge 跟住我地就去咗睇4D電影， 先睇o個齣大約得10分鐘講西部牛仔嘅先， 我初時以為呢齣電影會平平無奇， 點知原來o個10分鐘係好令我意想不到！ 因為每個人坐嘅位並唔係普通一張櫈， 而係一個馬鞍咁嘅野， 而且每個人仲有一支槍， 而當段片開始播時， 成個人就好似真係騎緊馬咁， 因為個馬鞍會左右兩邊擺， 同時間， 我地仲要對準d小偷開槍， 射中嘅話仲會有分畀， 而o係完晒仲會有spotlight射落去攞最高分o個幾個人度。 真係估佢唔到lol~ 4D電影——Desperados（西部牛仔） 接住我地就去睇埋第二齣4D電影——Log， 段片都幾長下， 有成半個鐘咁滯， 而且真係好有動感， 除咗3D嘅影像， 個座位仲比頭自個馬鞍旭得更勁！ 奈何成段片都只係講木頭， 無乜故事內容， 所以失色咗d lol~ 由於第三齣4D電影片長40分鐘， 我地見仲有一段時間先夠鐘開場， 於是， 我地就去玩另一樣野， 就係MegaZIP~ 呢個MegaZIP係2-day pass唔包ge， 但有同學一而再， 再而三咁強調：一定要玩！ 所以大家都唔猶疑， 一於括出去， 簽過一疊疑似生死狀嘅文件， 我地就跟住個職員去裝身， 準備好就行上去個高台。 ~We are ready to MegaZIP~ 老實講：真係好驚lol~ 因為完全得條繩吊住自己， 對腳又掂唔到地， 好無安全感lol~ 無幾耐個職員一聲：Are you ready？ 我地就咁就沿住條繩飛咗出去， 飛出去第一下仲係得個驚字， 但之後就感覺好好玩， 因為feel到o個種快感， 同埋周圍d風景都好靚， 令原本嘅驚都無晒lu~ 我地飛到去一個沙灘度「降落」。 成功降落 玩下玩下， 原來都成2點la~ 我地就o係沙灘o個度嘅一間餐廳食lunch， 有pizza、意粉， ~第三日嘅美味Lunch~ 味道幾ok wo~ 食飽咗， 我地就繼續2-day pass包咗嘅活動， 先玩MegaBounce， 有同學好勁， 唔單止打到關斗， 仲成功說到個operator畀佢免費玩多次！ 真係厲害！ 大家跳完之後， 我地就去玩Gogreen Segway， 即係好耐以前成龍大哥介紹過嘅o個個雙輛直立車。 大家企o係o個個小小嘅園區轉咗個圈， 純粹係體驗下咁la~ 其實o係沙灘o個邊， 大家仲有好多野想玩， 好似Wave House、iFly， 但由於時間關係， 我地只能返番去4D影院o個邊睇埋最後一齣電影——地心探險記。 呢齣電影比起之前o個兩齣多咗好多人嚟睇， 可能因為有老少咸宜嘅故事內容la， 不過， 我覺得呢齣4D電影嘅賣點係佢d現場特效， 例如：噴水、煙霧等等。 其中有一part真係估唔到， 完全硬食咗一拳， 真係一拳lol~ 玩到成6點幾我地就離開聖陶沙lu， 而我地離開聖陶沙就係搭纜車 ge， 嚟過新加坡幾次， 都係第一次搭纜車， 可能都比較貴， 所以無乜人坐， 亦唔洗排隊， 好快就可以上到車。 玩咗成日真係好攰下lol~ 但我地呢個緊湊嘅玩樂團真係無得抖， 無計la， 第一日delay咗出發， 唯有緊湊d咁追返d行程， 我地一落纜車就走去搭地鐵加巴士， 務求7點前去到動物園 。 其實以前都有去過長隆夜間動物園， 感覺係：好黑， 唔係好睇到d動物。 我亦抱住一個無乜期望嘅態度， 之但係之前有人極力推介， 話一定要去睇埋個show， 所以一定要7點去到， 坐咗成個鐘有多嘅車程終於去到la~ 我地見個show仲未開始， 咁就先住火車睇動物先la。 老實講個感覺同長隆無乜分別， 都係黑媽媽， 唔係好睇到d動物， 再加上全程都係英語廣播， 唔係好聽得明lol~ 不過畀我發覺新加坡呢個比長隆好一d， 皆因無咩臭味聞到ar！ Night Safari Singapore *所有相都並非用閃光燈攝 睇完動物啱啱夠鐘睇o個個show， 個show都幾好睇ge， 勝在個MC夠有氣氛， 而且d觀眾反應又好好， 唔會有悶場。 幾精彩下嘅表演 散場後， 我地就去埋動物園門口o個個小舞台睇噴火表演， 我地企第一排， 完全feel到o個d熱辣辣嘅感覺ar！ 邊噴火邊玩花式添ar！ 之後， 我地行埋動物園嘅紀念品店。 d動物毛公仔造得好靚ar， 摸落去又好舒服， 所以我地都忍唔住攬住嚟影相， o係紀念品店玩完一輪， 我地就搭返成個鐘車返酒店lu~ o係紀念品店玩完一輪， 我地就搭返成個鐘車返酒店lu~
