畢業後一年， 我同班大學同學成功約到o係呢個禮拜， 一齊攞大假去旅行。 事前o個個幾月， 大家都好似做FYP咁， 努力搵資料， plan行程， 而且今次同上次台灣o個次畢業旅行都好唔同， 上次我地都唔洗點搵資料， 因為好多同學都已經頗熟台灣下~ 但係， 今次去新加坡話就話係去過， 之不過o個次只係三日兩夜， 仲要係跟大學o個d交流團， 全無行程可言。 所以， 我好期待今次嘅行程， 因為話晒都係自己plan ga ma~ 我地揀咗11點左右嘅機， 諗住唔洗太早去機場， 而去到新加坡又唔會太夜， 誰不知， 因為琴日鄰近地方打風， 搞亂晒d航班， 結果班機delay完2個鐘再delay多1個鐘， 即係話成3點先起飛， 完全打亂咗我地嘅行程 :twisted: ！ 因為我地係諗住3點左右去到就可以即刻去酒店ckeck in， 然後就去夜間動物園， 但宜家咁晏出發， 完全趕唔切去動物園。 於是我地唯有o係機場攞住張餐劵先食個lunch， 然後再諗諗之後嘅行程安排。 結果， 我地飛到新加坡之後就去酒店check in， 放低d行李， 再動身去一個之前無plan到去嘅地方食飯。 o個度就係Newton Food Center， 一個好大嘅大排檔。 其實去Newton Food Center一d都唔難， 只要搭地鐵去Newton就得ga la， 因為一落地鐵就已經聞到好香嘅燒烤味， 沿住燒烤味嘅方向行過去就到o個個大排檔。 我地食咗好幾款小炒， 有蒜蓉燒大蝦、馬來燒魔鬼魚、脆炸慢頭等等， 上圖：（左起）脆炸慢頭、馬來燒魔鬼魚、咕嚕肉排、馬拉盞通菜 下圖：是日主打菜式——蒜蓉燒大蝦 食飽飽就返酒店休息la， 聽日會一早出發趕行程！
