話咁快就到最後一日la~ 今日要比之前o個幾日更早起身， 因為今日一食完早餐就要搭飛機返釜山la~ 同嚟嘅時候一樣， 唔洗太多手續就可以上機la。 由於去到釜山時間尚早， 我地去返樂天百貨附近行下街先。 之後就去食午餐， 是日午餐係香菇火鍋， ~香菇火鍋~ 味道唔錯， 不過， 最吸引我係碟配菜－－炒年糕 ！ 好味~ 之後， 我地就出發去扎嗄其海鮮市場， 亦即係釜山國際電影BIFF廣場嘅對面。 扎嗄其海鮮市場同釜山國際電影廣場只係一條馬路之隔 大家可以先去BIFF o個邊行下、睇下， 因為o個度亦可以通往光復洞時裝美食街， 所以都有好多野賣， 尤其係地下街， d鋪頭賣嘅野都幾有特色。 由於， 得我同媽咪兩個人， 食海鮮嘅話都唔知揀咩嚟食， 於是， 我地o係時裝街o個邊搵咗間新式韓食店， 入去食晚餐。 我地揀咗個沙律烏冬、煎餃同湯飯， 當中嘅沙律烏冬 最具特色， 如果多d沙律醬或醋， 味道會更好~ 食埋晚餐就又係時候去釜山金海機場返香港lu~
