今日一早食完早餐， 我地就出發去整泡菜lu~ 之前去首爾都學過整泡菜， 仲要有埋證書證明， 所以今次去整都可以用返上次學o個d技巧。 不過， 對比兩次整泡菜嘅經驗， 我會比較鍾意首爾o個次， 第一個原因係學習嘅地方大d， 起碼有得坐o係度整； 第二， 首爾o個度畀o個舊大白菜都大舊d， 個完成品造出嚟都得體d。 圖左為上次於首爾學整泡菜時攝；圖右則是是次於濟洲攝 整完泡菜就可以去着韓服影相la~ 都係la， 感覺上次o係首爾好d， 因為着完韓服可以出戶外影相， 但呢度就只有一個好細嘅房， 人多d嘅話真係唔係好影到lol~ 而且， 男裝都得好少。 整體感覺麻麻者~ 跟住， 我地就去例牌嘅人蔘店、化妝品店、護肝寶店之類嘅鋪頭聽傳銷。 例牌野做完， 我地就去食lunch la， 是日午餐係－－石頭飯ar~ 熱辣辣， 好好味ar~ 之後我地就去3D立體美術館， 即係去睇3D畫la！ 其實， 宜家好興去睇3D畫， 好多地方亦都開始搞呢類3D藝術畫廊。 濟洲呢間可以話幾有特色， 因為除咗有主打3D畫外， 仲有5D立體影像播放， 即係睇365度咁嘅3D電影， 真係幾刺激ga， 尤其係睇鬼片~ 另外， o個度仲有個冰雕展覽， 雖然個展覽唔大， 但都有野玩， 就係sir冰滑梯la~ 大人細佬都玩得好開心ga~ 離開咗立體美術館， 我地就前往神奇之路， 神奇之路嘅神奇之處就係條路明明係落斜， 但視覺上唔知點解係覺得條路上斜。 嘩！ 就咁形容就好似好複雜， 真係要真身去體驗下先領略到ga la。 神奇過後， 我地就去全濟洲最商業嘅一條街－－七星路， 七星路係濟洲嘅時裝街， 買衫ar、運動服ar都係o係呢條街ga la~ 至於啱唔啱買， 就見仁見智la~ 最後我地就返酒店lu~ 晚餐方面， 我同媽咪就決定去酒店附近間supermarket買野食返房， 一邊睇韓劇， 一邊食~
