嚟到第三日， o係渡假村食完早餐就出發去一個好出名嘅地方， 就係將軍石la~ 將軍石之所以有咁嘅叫法係因為舊石好似一個人好堅強咁， 企o係崖邊望住個大海， 成個將軍咁守護住濟洲。 而其實將軍石又叫望夫石， 話說有個婦人成日望住海邊等佢個出咗海捕魚嘅丈夫歸來， 可惜等了又等， 都係見唔到， 於是仍雙手合十， 終於就等到佢丈夫o係海面浮過嚟。 將軍石，又名望夫石 將軍石附近仲有個公園， 我地o係將軍石o個度影完相仲可以過去行下。 之後， 我地就去天帝淵瀑布la！ 由於過去o個幾日都無乜雨落， 所以都唔會expect個瀑布會好澎湃ga la。 但天帝淵瀑布分三段， 咁都有野睇下ge， 一入到去就見到天帝樓， 話係畀天帝沖涼嘅地方嚟。 而天帝樓嘅旁邊就係五福泉， 五福係指福、壽、權力、姻緣同生子， 亦由五種動物去代表， 分別係豬、龜、龍、鴛鴦同鯉魚。 o係五福泉許過願後就要過仙臨橋， 上圖分別係天帝樓、五福泉同埋仙臨橋 過咗橋大家就可以睇水牌去天帝淵上、中、下三段瀑布la~ 我同媽咪選擇咗由上睇到下， 所以就先行上山。 上段瀑布就係成個天帝淵瀑布嘅源頭， ~天帝淵瀑布之上段~ 欣賞完瀑布嘅源頭， 我地就行去睇中段。 雖然之前無落過雨， 瀑布唔算澎湃， 但整睇嚟講都好有瀑布o個種氣勢！ ~天帝淵瀑布之中段~ 由於下段瀑布比較遠， 因此都要行一段路。 d路就唔算難行， 但都要上斜、落斜， 而且好多梯級。 心諗：頭先中段瀑布都有d氣勢， 咁下段都應該有d野睇la~ 行得辛苦都值得ge！ 點知一去到就覺得雷聲大雨點小lol， 的確好大嘅瀑布聲， 未睇到瀑布已經聲到好大嘅流水聲， 但一望見就感覺只係一個細瀑布lol， 可能再加上只係遠觀欣賞， 所以就感覺個氣勢差咁d la！ ~天帝淵瀑布之下段~ Anyway， 行咗成朝， 好似做咗好多運動咁， 就係時間食lunch， lunch就當然係例牌嘅韓式火鍋la~ 食完野， 我地就出發去睇d特別嘅展覽la。 首先睇嘅係Hello Kitty Island， 雖然話係island， 但其實只係一座大廈。 對於Hello Kitty迷嚟講， 一定會樂而忘返。 之後， 我地就去玻璃之城， 就即係展覽玻璃嘅地方la~ d玻璃飾品真係造得好仔細， 而且， 地方夠晒大， 展品又多， 真係好似睇極都睇唔完咁。 ~玻璃之城~ 睇完玻璃， 我地就去睇Drawing Show la~ 其實以前去首爾都睇過， 的確有d畫係同之前一樣， 但有part就加咗d濟洲風味lol~ 好似畫濟洲土地公公Hareabang。 不過有一點我之前唔知有無講過， 就係我好佩服韓國政府對藝術學生嘅發展畀咗好多支持， 就如呢個Drawing Show做到全韓國都有， 仲要出埋一堆紀念品發售， 真係好勁ar！ 完場後食埋韓式燒烤就結束今日嘅行程lu~
