嚟到最後一日嘅行程， 大家決定嚟個自由行， 大家鐘意去邊就去邊。 所以， 大家都無食到酒店早餐， 改o係酒店附近間餐廳仔食個brunch。 我叫咗個豬腳飯， 睇落去細細碟咁， 但其實份量都好足。 60蚊新台幣嘅豬腳飯 食完野， 大家就首先o係新光三越附近d街行下。 書局、相機鋪、雜貨店， 自己鐘意睇咩ge就睇咩， 總之1個鐘後集合。 之後， 大家就去台北車站嘅微風買手信， 好似太陽餅、鳳梨酥、綠豆糕、金月娘ar咁。 買完野， 又再開始自由行la~ 大家o係地下街自由行， o係台北車站個地下行開始行， 行到去中山站o個邊。 認真咁行落先發覺原來個地下街d鋪頭係分晒類咁， 好似Y區o個邊， 差唔多全部都係賣d電子產品， um... 應該再講明d， 係賣動漫遊戲野！ 好多鋪頭仲有試玩區， 如果見到個game啱玩， 大家係可以隨意行埋去玩下ga！ 行到4點幾， 大家就準備返酒店拎行李出發去機場lu~ 由於， 我地9點幾機， 所以， o係出發去機場前， 再去seven食份便當， 醫醫肚， 跟住先去機場。 我地o係台北車站搭返巴士去機場， 好得意， 我地o係機場嚟台北車站架巴士係直達ga ma； 但我地o係台北車站去機場就要先經一個地區。 好彩， 我地預鬆咗時間， 變咗都夠時間去機場ge。 搭咗個半鐘車， 我地到咗桃園機場la~ 我地寄完行李， o係機場d手信店做埋最後衝刺， 就真真正正咁滿載而歸， 返香港， 結束呢個開開心心5日4夜台北之旅lu~
