到第三日la~ 今日會出發去九分， 其實好多人會將九分、十分放埋一齊去， 但我地驚時間唔夠， 會好趕。 同埋， 我地想o係九分睇多少少野， 於是， 就將九分同十分兩個地方分開兩日去la~ 而今日我地都係o係台北車站搭火車去瑞芳， 去到瑞芳再轉巴士上九分。 不過， 我地首先去嘅唔係九分舊街shopping， 而係去金瓜石， 即係九分再上。 o係金瓜石有個博物館叫黃金博物館， 部份嘅展覽係要收費， 但有d就唔洗ge， 至於內容就當然係講黃金la~ 於是， 我地就行咗入去參觀la~ 入面主要介紹以前日本統治台灣時， o係九分至金瓜石一帶開採黃金， 所以， 館內好多屋都係日式建築， 當中最值得一睇嘅就係o個舊大黃金la~ 好大舊嘅黃金ar~ 另外， 館內都有好多擺設， 大家都可以隨便影相。 我地仲o係博物館入面食咗碗山頂豆花， 冷熱任揀。 薑湯配豆花， 味道唔錯ga~ 參觀完之後， 我地就搭返巴士去九分舊街。 題外話， 其實o係金瓜石可以再搭巴士或的士落去睇瀑布， 不過， 我地今日微微細雨， 雲層又厚， 霧又大， 再加上本身都無plan去， 結果o係金瓜石參觀完博物館就走lu~ 去到九分舊街， 我地先食碗牛肉麵 、餛飩麵 ， 跟住就開始血拼la~ 咩豬肉紙、薑茶、烏龍茶、陶笛、名信片、太陽餅等等嘅手信都可以搵到！ 我地血拼完都成6點la~ 於是， 我地又再一袋二袋返酒店放低d野la~ 休息一陣， 我地就出發去食晚飯la~ 今晚食飯嘅地點就係西門町！ 我地搵咗間o係地牢嘅鐵板燒餐廳食飯， o個度可以一邊睇住師傅o係自己面前做鐵板燒， 一邊食自己點咗嘅野食。 個餐除咗主菜， 仲有蛋花湯、白飯、芽菜仔、炒雜菜跟， 而且可以無限添飲~ 咁樣嘅價錢都係150新台幣左右， 即係唔洗港紙50蚊， 算抵la~ 豐富鐵板餐 大家食飽飽， o係西門町行咗個圈就返酒店lu~
