好開心ar~ 又出發去旅行la~ 今個台灣grad trip同另一班同學， 一共七個人去台北兜個圈。 講起台北， 自己都有成10年無去過la~ 好多台灣嘅景點都唔係好記得la~ 所以， 今次要好好咁遊覽下， 重新感受台灣嘅魅力！ 我地7點去到機場集合， check-in， 寄行李， 之後就去登機閘口。 但一去到先知原來個閘口係無登機橋， 換句話， 即係大家要搭架巴士出去停機坪， 然後再上樓梯登機。 我有記憶以嚟， 第一次咁樣登機咋！ 雖然登機嘅過程有d麻煩， 但就可以超近距離同d飛機影相lol~ 去到台灣， 我地o係機場兌台幤， 然之後就搵巴士去台北車站。 約1個鐘頭左右， 我地就到咗台北車站lu~ 無幾耐就到我地下榻嘅酒店添~ 原來台北車站附近真係好多酒店， 行出行入好方便ar~ 我地放低行李就正式開始今日嘅行程la~ 首先， 我地o係附近搵咗間食意粉嘅快餐店食野， 估唔到鋪頭細細， 但野食味道唔算差bor~ 食飽飽， 我地就繼續o係酒店附近行行。 入去書局睇下， 睇下有咩平平地嘅翻譯小說； 去下大潤發， 掃下平價文具； 兜下藥房， 格下價。 就係咁就行咗兩個鐘~ 於是， 我地決定轉戰第二度， 去101大樓la~ 但我地去到捷運站， 第一件事就係齊齊整張「悠遊卡」先， 以方便搭車之用， 跟住先往市政府站出發去101大樓。 由於去到都成5、6點， 所以我地可以睇到日景同夜景嘅101。 日景 同夜景 都睇晒， 真係頗有一番風味！ 影完相， 兜完個圈， 我地就去誠品la~ o係誠品， 絕對係睇書愛好者嘅好地方， 因為地方夠大， 而且咩書都有得睇； 對於唔係幾睇書嘅朋友， 誠品都照顧到佢地， 因為好多椅可以坐， 變咗可以隨意坐低抖抖。 行完誠品， 我地就搭捷運去行天宮搵上引水產食飯la~ 不過， 可能我地太晏去la， 好多野都賣得七七八八， 再加上， 價錢嘅考慮， 我地o係上引水產 轉咗個圈， 感受咗一個仿日式設計嘅魚市場後， 就o係附近搵間餐廳食飯算la~ 雖然係咁， 但o係食晚飯o個間餐廳都有意外收獲！ 因為我地去咗o個間餐廳， 叫咗個份量又大， 味道又好嘅韓味豆腐海鮮鍋， 仲可以無限添飲！ 韓味豆腐海鮮鍋 估唔到， 我地雖然食唔到上引， 但都可以食返個地道嘅海鮮餐！ 食完飯， 我地就捧住個肚搭返捷運返酒店lu~
