o係酒店食完早餐， 是日B餐 我地就check out lu~ 而我地d行李就放存o係酒店度， 咁我地又可以瀟瀟灑灑咁行街la~ 其實， 今日可以算係多出嚟ge， 因為原來plan行程o個陣打算6日5夜， 但係機位問題， 所以改成7日6夜， 而今日我地去嘅地點就係Siam Square la~ Siam Square之前都有畀紅衫軍d人燒過， 所以仲有d部份係維修緊， 我見d維修版貼住d廣告， 應該係話第日維修完， Siam Square o個度都會變成一個大商場。 但因為我地去到o個陣， 時候尚早， 好多鋪頭都未開門。 咁我地就行返去水門o個邊， 事關我地想作最後衝刺， 睇下仲有無野啱買~ 行完一輪， 我地就去返National Stadium o個邊出發去食飯， 地點就係建興la~ 事關琴日個時間唔啱， 食唔到佢最出名嘅咖喱蟹， 結果， 我地今日補返數。 我地叫咗一碟咖喱蟹， 兩碟菜， 一煲大蝦粉絲， 同一碟生蝦刺生。 野食味道麻麻la~ 可能係因為d野煮出嚟唔夠熱掛， 而個生蝦又唔係好新鮮咁。 大家食完之後， 就返酒店拎埋d行李出發去機場lu~ 我地今次去機場就搭Airport Link， o係Makassan個站搭都係每人35bhat， 好平ar！ 不過， 我地一袋二袋就麻煩d， 同埋因為平嘅關係， 都好多人搭， 即係o個d唔係去機場嘅泰國人都會搭， 變咗真係要同人迫lol~ 20分鐘左右， 我地就到咗機場lu。 一心希望順利、準時返到香港， 點知， 個captain臨開機話個engine好似有d問題， 要返回登機閘檢查。 好彩， 後尾發現唔係engine問題， 而係天氣太熱， d油又多得滯， 搞到個alarm signal着咗姐~ 不過， 我地又由原來1點前返到香港， delay到1點半先落機， 仲要搭shuttle bus先入到機場入境處， 呢個trip真係唔止7日6夜， 係8日6夜咁滯~
