原本今日plan去大皇宮ga， 但因為有同學之前去過， 再加上覺得無乜特別， 所以選擇去另一個地方──Chocolate Ville！ 但Chocolate Ville無得太早去， 咁去之前， 我地就諗住去MBK行下， 順便去建興食蟹~ 我地搭BTS去到National Stadium落車， 跟住旅遊書上面教， 行ar行， 終於見到建興個招牌la~ 不過， 我地一睇， 烏燈黑伙， 原來人地下就4點先做生意lol~ 我地真係傻下傻下ar~ 再睇真d本旅遊書， 人地都一早講咗係4點先有得食lol~ 於是， 我地唯有去MBK， 睇下有咩啱食la~ 之前o係MBK一直都係食o個間小船日本菜， 但我覺得味道一般。 我地兜咗個圈， 發覺小船斜對面間shabu shabu放題幾吸引， 329bhat一個人， 有打邊爐， 又有sushi食， 結果我地就揀咗呢間la， 計返港紙都唔洗100蚊一個ar！ 但由於食飯時間， 所以好多人下， 我地都要等到成2點幾先有得食。 我地攞咗好多野食， 基本上， 我地見到有咩就攞咩la~ 任飲任食嘅一餐真係好正ar 我地食完就o係MBK行個圈， 大約4點左右， 我地就o係MBK截的士去Chocolate Ville la~ Chocolate Ville係一個頗新嘅地點， 好多司機都唔係好熟路， 好彩我地早一晚搵定酒店個receptionist寫定個泰文地址， 如果唔係就比較麻煩la~ 我地坐咗大約一個鐘的士， 終於到la~ 一落車， 不禁「嘩」一聲！ 因為無諗過o係泰國會有個咁靚嘅地方， 比起Asiatique， Chocolate Ville d裝潢仲靚， 完全係歐洲式建築， 有風車、小屋、小橋流水、燈塔等等！ 情侶嚟嘅話， 係一個浪漫小天地； 一家大細嘅嘅話， 就係一個溫馨洋溢嘅好去處！ 我地一路行， 我地一路o係唔同嘅歐陸小屋同擺設影相， 再發覺呢個Chocolate Ville其實係一間餐廳嚟ge， 嚟得o個度都必定食埋飯先走。 我地初時諗咁樣嘅格局， 野食應該都唔平， 於是去睇下佢個menu la~ 一望， 咦~ 原來唔算太貴bor， affordable ga~ 咁我地就去攞枱la， 點知個staff話full booking喎~ 好彩， 個staff補充我地可以講低幾點要枱， 大約o個個鐘數再去返， 睇下畀唔畀到枱我地， 咁我地見頭先餐shabu shabu都未落格， 可以等下ge， 於是我地就坐埋一邊等la~ 我地叫咗個燒鹹豬手、燒肋骨、芝士薄餅、Honey Toast同埋個Ice cream brownie， 加埋野飲， 每人都係港紙百幾蚊， 野食味道加環境氣氛， 完全值晒la~ 我地食完野， 再兜多個圈， 影影夜景， 又截的士返酒店lu~
