今日係星期六ar， 所以， 我地就plan咗去翟道翟市場。 唔知係咪因為我地晏出發， 所以唔洗同的士司機講價， 直接用咪標~ 其實， 我真係未去過翟道翟， 淨係知道o個度係個好大型下嘅跳蚤市場。 我地一落的士， 就有d工作人員畀張地圖我地睇， 仲教我地點行。 於是， 我地就朝向賣衫嘅方向la~ 個市場真係好大， 同埋好多野賣， 而且可以講價講到好平， d女同學o係度完全係血拼， 由人地千幾bhat嘅袋， 講價講到幾百bhat， 真係佩服佢地ar！ 其實， 呢個市場真係咩都有得賣， lunch都可以o係o個度食添ga！ 我地就搵咗間鑊氣好香嘅鋪頭仔食， 唔好睇間鋪爛蓉蓉咁， d野食真係幾好味。 坐下坐下， 仲坐滿人添ar！ 後來， 我地行到攰攰地， 仲o係o個度做埋個腳底按摩添~ 跟住我地就打返的返酒店la， 點知d的士司機個個都開天殺價， 無計la， 鬼叫我地走o個陣已經係人地收鋪時間， 個個都係o個個時間走， d的士司機梗係唔憂無生意la~ 我地返到酒店， 洗個面， 就搭MRT去Terminal 21搵野食la~ 我地o係一間叫Sansab食晚飯， 叫咗八碟野食， 當中個吉列雞配檸檬忌廉汁最好食！ 呢餐真係算幾好味~ 食完飯， 我地o係個商場轉咗個圈。 o係返酒店之前仲去埋basement間超市， 掃d生果返酒店食添~
