今日係第一日o係曼谷間酒店食早餐， 初時以為係自助式兼任食ga la， 點知原來只係得ABC餐揀， 是日A餐（西瓜奶係另外買ga） 真係好d詫異 ！ 食完份早餐， 我地又開始一日嘅行程lu~ 今日首站就係水門la~ 我好期待呢個地方， 因為d裇衫真係好平！ 件件都唔洗港紙100蚊， 買多d仲可以講下價， 仲可以平d添~ 搞到我都買咗兩件裇衫， 同條八分褲。 至於個lunch， 我地就o係出名好平， 味道又算ok嘅粉紅衣雞飯店食la~ 一人一碟雞飯連例湯， 再嚟杯冰茶， 真係爽ar！ 行完水門， 大約4點左右， 我地就去另一個地點la~ 我初時都唔係好知邊度， 因為未去過， 所以跟大隊la~ 我地搭BTS去到Saphan Taksin， 再出去搭shuttle boat， 唔洗半個鐘， 就到咗la~ 個地方又係整到好靚， 一個個貨倉咁， 仲有d大型銅像擺設， 好有主題公園feel， 影張相先知原來我地去嘅就係Asiatique！ 上網睇， 話係一個新開嘅夜市。 我地搵咗間食越南加泰國菜嘅餐廳食飯， 有肉、有菜、有麵、有飯， 味道幾好， 而且價錢都唔係好貴~ 食飽飽後， 我地又行街la~ d鋪頭間間都好似賣貴野， 但點知又係有得講價ge~ 而且， d區域劃分好邊d係賣衫， 邊d係賣手工藝， 邊d係賣手信土產， 井井有條， 好易行。 我地仲搵到間食Gelato， 我地揀咗5球， 每球都唔洗港紙10蚊， 好抵ar~ 我地行到10點左右就截的返酒店lu~
