生活係香港呢種小城市，的士絕對係我地生活中不可能缺少既交通工具 天時暑熱唔想迫巴士／MTR；應酬飲酒唔可以揸車；目的地近人數岩岩好；趕時間...... 的士除左對我地本地薑，對黎香港旅行既外地人而言都十分重要 但可惜今時今日一部分的士既服務態度真係一落千丈 講真比多少少錢搭的士都係為左方便、舒服，但有時候簡直係貼錢受人氣...... 以下係小女子曾經遇過既例子(絕無誇張) 你又有冇遇過？ 1. Potential 香港交通法例的士係冇得拒載 所以放心司機冇得嫌你樣衰而唔載你 但佢絕對可以落旗避過D冇potential既客人 點為之冇potential? 一個拎住1袋2袋膠袋既師奶同一個拎住行李既外國人 你明既... 2. Black Face/West Face 當你好彩可以瞞過佢一雙慧眼上到車 但唔代表你可以避過佢既黑面 黑面呢回事會係你講目的地既時候出現 目的地近既就代表你冇potential 為左載你去一個唔跳錶既地方而錯失一個由荃灣去柴灣既潛質股 你明既.... 仲有另一個問題我真係百思不得其解 明明塞車錶照跳錢照比 眼見個錶同時間一樣跳動 炆既唔係應該係我咩？點解司機哥哥仲燥過我呢？ 條數究竟係點計？我唔明呀！有冇人可以解答我？ 3. 頭文字D 呢個情況多數發生係深夜 可能司機哥哥人有三急／趕住放工.... 又有可能佢當左自己係藤原拓海飄緊秋名山 係呢係時候你可以靠既只有「安全帶」同finger cross希望可以好似拓海既豆腐冇穿冇難 4. 選擇性落客 搭的士既好處係可以直接係目的地落車 有時候因為某些交通規則唔停得係絕對冇得恕 但而家發生司機選擇落車地點既情況十分普遍 由方便你變為方便自己 有試過落車後仲要行多1-2個街口 5. 四捨五入 好喇！落車比錢喇！的士價錢以咪錶為準 但而家司機好興「四五全入」即係係咪都計多你 當然一個幾毫唔係咩大問題 但始終數還數路還路 無啦啦咁計多仲要你硬食係有少少唔合理 6. 請你滾 滾出去 如果咁岩一袋二袋落車時一定會比較狼狽；慢 而司機係呢個時候就會覺得你阻手阻腳阻人收工阻人發達 所以每次落車都希望自己好似跳水金牌咁動作夠快；狠；準 無謂阻人發達 當然有差既都有好既唔係個個都係咁 好既司機哥哥都遇過 好好傾之餘 仲好有禮貌(大多數係call台的士) 不過有時候你點對人；人點對你 作為乘客既都要有禮貌 曾經係澳門搭的士 司機哥哥問我地係咪來自香港 「想問你地一個問題？香港人係咪好鍾意投訴？」 可想言知有時候作為乘客既我地態度都好重要 咪覺得自己比得錢就要司機受你氣... Instagram : Eatplaylovene Facebook Page : 吃玩愛 Website: http://nigelchann.wix.com/eplenigel
