當你係同一個環境工作耐 日日面對住同一班女人收聽不同既是是非非 做重重覆覆copay&paste工序 開始感覺到毫無前路可進 每日番工等放工 放工等放假 放假等出糧 的而且確係大部分打工仔既諗法 但一份工作做到冇晒意義真係好難日日同佢磋陀歲月 當你有以上既徵兆就代表係時候轉下環境 即使你有勇氣去由零開始搵工見工重新適應新環境既同時 亦都希望你有能耐應對以下既情況.... 1. 損失 好似我呢D細時唔讀書得中五學歷搵份朝9晚6；準時收工；一星期番5日；人工有10k既hea爆文職的確唔易 所以當向親朋戚友提到想轉工時10個有9個都會問： 「份工咁荀做乜唔做？」「做左咁耐好地地做乜要轉？」.... 荀工呢家野就見人見智啦 我知我低微冇條件 但正所謂「冇夢想同條咸魚有乜分別」先唔講夢想咁遠大 日日番工番到機械人冇熱情冇challenges 你話我乜都好 sorry~唔適合我呢種人 2. 交代 好喇! 當你好叻叻咁好快搵到新工 諗住呢下可以光宗耀祖 誰不知⋯⋯「人工高D？」「邊到番工？」「番工時間呢？」另一輪問題就好似機關槍呠向你誰攻 而你就要好似背書咁交代比佢地聽 3. 比較 交代呢個步驟係最關鍵 因為萬一有乜差池就會出現呢個情況「人工比之前低咁多？」「咁咪忙過之前？」「冇咁荀喎！」人比人比死人 工比工煩死人 講番條橫丫腸先 點解我話「交代」呢個步驟最關鍵呢？份工條件你冇得改變 但可以美化 嗱！唔係叫你講大話吹水 只係修飾下講多D之前份工冇既野 務求封住佢地把口 4. 取捨 好彩見得成工 人地當然想你有幾快得幾快番到工 更何況自己又唔係什麼新鮮蘿蔔皮 好難要人地等你咁耐 問題就黎喇！勞工法例規定要一個月通知如果唔係要補水走人 手掌係肉手背又係肉 相信大家呢刻一定十分頻能 要錢定機會？好難選擇呀！ 冇錯！呢D全部都係我係呢個月面對過既情況差D攪到自已精神分裂 其實講咁多最緊要好黎好去 但自問未夠班解決得靚靚仔仔；應對得好好 所以轉工都屬於一門好大既學問...
