蓮花輕輕的走了 就如輕輕的來 颱風過後 突然想來個台風夜 得知台風早前威威地開分店 但一直都未有時候試(畢竟新界人荃灣已經好方便) 荃灣店叫拉麵店 而旺角店叫沾麵店 但其實沾麵暫時只在午市供應 緣慳一面 去到要等一等位 旺角店外有長椅坐住等 旺角店內比荃灣店既大 裝修都比較細緻 都係以日本feel為主 好動漫好宅既感覺 入到店內店員既服務態度都十分熱血 見你1揪2 lun會主動比膠盤你放係地下 見你腳短又會比膠盤你墊腳 見你個頭蘇乞衣咁款又會送條橡筋你札起 可見餐牌呢邊既麵同荃灣店既唔同 只有招牌魚介豚骨拉麵仲係到 嘿嘿～而我都係走唔甩魚介既掌心... 登登登登..... 等左大概5 mins就有得食 望落真係好鬼親切 食落真係好鬼幸福 湯底依舊有水準 麵質依舊彈牙 差燒依舊軟熟 唯一唔同湯底冇以前咁膩，杰身；蛋味道好左；差燒煎左好野味；仲加左2條菜 有進步有進步(大拇指扯起) 快點去試下 冇得再嫌荃灣遠喇
