旅行呢家嘢相信大家每年至少會有一次 不論撘飛機好定番大陸好都要出入境 而唔知大家有冇好似我咁一到呢個moment就份外緊張 老尶感突如其來既情況呢? 1. 排隊等過機 過機前要將身上既外套除落黎 夏天由至可冬天著到成隻儍咁 左手一個袋右手一件褸 係呢個時候又要將袋入面既電子産品摷曬出黎 眼見就黎到自己更加手忙腳亂 同時又驚住後面既人嫌你慢 左右手拎滿嘢之餘仲要拎膠盤 除非你係千手觀音 如果唔係成個畫面係超級狼狽 2. 過金屬探測器 等你啲隨身行李過完機就到你喇 唔知點解每次過呢部機都好緊張 因為唔知道佢有幾敏感 會唔會連一隻耳環都令佢響起(聽講身體多鐵質既人特別容易刺激到佢?) 3. 突擊檢查 過完金屬探測器拎番自己嘢都唔代表你all clear 係你行梗去出境櫃檯時隨時會殺出個程咬金 同你講句什麼隨機抽查 (但實質會令你懷疑自己係咪太葉繼歡) 即管你清白過白紙呢一刻都會有莫名既罪惡感 (頭先個款係咪太輕挑抑或係我太樣衰 咁多個唔揀編編係我!) 4. 出入境櫃檯 如果你好彩順利冇比程咬金捉住就要去櫃檯交出証件出入境 呢個步驟係個人認為最老尶 首先佢地目無表情既樣 然後露出一個懷疑証件張陳年舊相唔係你既眼神 係呢個四目交投既情況下 我雙眼永遠都唔知應該望去邊 望住佢又冇得講嘢 向佢笑又冇表情 唔望佢又好似作賊心虛咁 總之就好奇怪啦! Instagram : Eatplaylovene Facebook Page : 吃・玩・愛