正所謂「plan好行程都不如搵岩旅伴」 去一個旅行如果遇著一個唔對既人就真係「不幸中的大不幸」 話晒一個旅程都要對住同一個人 而且仲要係異地共同進退；出生入死 (太誇張吧？) 所以旅伴呢家野分分鐘隨時仲big deal過㨂男朋友／老公 以下係我親身體驗／所見所聞 1. 購物狂 呢種人每次旅行都要去唔同既shopping mall格晒價 務求買到最平 什麼景點pass 什麼地道食物pass 係佢地心中既景點就只有大同小異既shopping mall 不論香港有冇；平得幾多都買 幾日行程會令你感覺依然置身係香港CWB; TST; MK 2. 代購團長 呢種同上面購物狂其實差唔多 唔同在於佢買既野10樣有8樣都唔係買比自已而係幫人買 不論同事朋友屋企人定男／女朋友都照顧周到 而你既任務就係陪代購 唔好以為可以寓「工作」於娛樂 因為佢地會旋風式購物 一得到目標就會馬上轉戰 一字記之曰：快！ 3. 港男／港女 呢種人由安排行程直到開始行程乜都冇所謂；是但；就你 講到無限大方；就得人咁款 但實質就多多要求乜都有所謂；抱怨；嫌三嫌四 最後更加會指責你令你變成千古罪人 4. 我要做model 呢種人去到邊都要selfie乜都要影 罷甫士；角度絕對考唔到佢 但多數只有你幫佢影 佢一定唔會主動話幫你影 每十步停低影相 記憶體；電池；wifi 絕對係佢整個旅程最著重既野 一有空閒就只會望住電話 忙於㨂相；剷相；up相 5. 懶羊羊 呢種人大多都係晚訓晚起 早餐；早行程千萬咪預佢 行幾步就話攰所以咪洗旨意佢會同你遊山涉水 長期處於冇興趣；冇精神狀態 去邊玩乜都冇辦法阻止佢想搵周公既慾望
