每次去完旅行左摷右摷都會搜集到好多用淨既外幣 硬幣紙幣 應有盡有 拎住一堆係香港不能夠用既外幣你會點做呢? 1. 集郵 Collect 亦係我同阿盧既處理方法 我地認為外幣比明信片更有代表性 (雖然都係大量印製 但外幣有編號而且獨一無二) 再加上大部分外幣都有歷史背景 好有意思的 缺點外幣始終比較污糟(經過歲月磨洗 經過唔知幾多人對手....) 或者下次再去旅行可以有錢傍身喔 2.交換 Exchange 視乎你用淨幾多 以我地為例 上次去完韓國(最後用淨好多) 而咁岩有朋友即將去旅行 我地就將所有大面額外幣唱比佢地 雖然唔多 但可以有錢傍身等佢地去到巿區匯率好啲再唱 細面額既就自己留住當紀念 方便人地方便自己 3.捐贈 Contribute 當你完結旅程時 如果路上遇見賣藝人仕,流浪漢,捐贈箱 可以選擇捐贈比佢地 做多啲善事人地靚啲 不過呢個就比較難 以我地為例(雖然唔係捐贈) 上次韓國之旅 最後我地將一大堆硬幣(的確係一大堆) 比曬阿盧既韓國朋友Mega 反正當地人一定用得著啦 總好過我地帶番香港 唱番港紙又唔係 又重又要搵地方擺 或者可以選擇轉送就黎去當地旅行既朋友 (雖然都係錢 但一個幾毫都要收人錢 太小家吧?) 硬幣,面額細:捐贈,集郵 紙幣,面額大:集郵,交換 咁就唔洗怕啲外幣無用武之地