相信好多人都試過同男朋友，朋友去旅行 而好多情況下會因應對方會有唔同感覺 有好有唔好 以下純粹個人意見 唔知大家又有冇身同感受呢？ 1. 行程 朋友：行程基本上圍繞住行街shopping或者去某地標朝聖 比較享樂型 男朋友：行程去一啲比較偏遠少人去既地方 大前提係浪漫 比較體驗型 2. 活動 朋友：活動方面大家都係女仔 行街買嘢唔需要怕對方會悶趕住走 男朋友：活動方面可以比較多元化 唔需要被困係冷氣商場 3. 心理 朋友：心理方面比較自由 望男仔次數同時可以增加 但夜爛人靜時對男朋友思念亦會增加 男朋友：心煩氣燥指數較高 始終對住男朋友什麼港女 牛脾氣通通可以肆無忌憚地發洩出黎 4. 身理 朋友：身理方面比較疲勞 所有勞力既嘢都要靠自己 小至推門 大至拎戰利品 男朋友：攰既時候可以繞實對方再將全身既力付託比佢 瘋狂購物後既戰利品可以交託佢 同邊個旅行去玩 最重要係志同道合同舒服 好似我咁比較鐘意周圍行多過瘋狂購物既 最怕對方唔行得 怕熱又怕攰又嫌多路行 無謂去個旅行都要就黎就去 揸頸就命 為行程嗌曬交 幸好阿盧同我一樣 所以我既最佳旅伴只有佢一個 so far.. 唔好話我重色輕友 旅行去邊唔重要 最重要係身邊嗰個
