上回：兩女勇者探企鵝 琴晚係冇阿盧既情況下總算訓得好 一覺訓到大天光 中午12點準時check-out 係酒店便利店買oreo作為早餐(呢2日食既oero分分鐘多過我一年食既) 由於我地既回程車票係下午2點 但礙於此地不宜再久留情況下(影既影晒 玩既玩晒 實在唔想又比人掠水醫肚) 決定盡快番馬交 問過旅遊巴司機 可以搭最近時間車番去(十萬個感激) 又10分鐘車程出境再10分鐘車程入境 入境時發生小插曲 竟然被叫停抽查(驚驚) 要拎晒我果個裝到超漲既袋所有野出黎 又要逐件逐件質番入(去住一晚個袋漲都咁難怪人地抽查我) 好! 驚又驚完 快快腳趕上車 上車後聽到其他旅客得知旅遊巴第1站氹仔碼頭 第2站富豪酒店(即葡京附近) 岩晒我地 唔洗自己搵車搭 Lucky~ 一落車肚仔餓 立即尋找祥記麵家既方向 天氣又焗又笠加上又多人(原本以為星期一會比較少人) 令我地行得更辛苦 大約10mins 路程終於去到!! 誰不知...... 啊!!(吶喊樣) 神馬？我真係不敢相信眼前既情況 每月例假？我既蝦籽撈麵；蜆介鯪魚球... 我足足用左幾分鐘企係店前接受眼前呢個景象 肚又咕咕聲 唯有接受現實揾其他餐廳 係呢個又餓又熱既情況下 我實在不能夠用腦思考 於是一枝箭向新馬路黃枝記進發 點擊圖片放大 +2 意料之內要等位 好彩只係等3張枱 好快就坐低叫野食 朋友同我都對蝦籽撈麵念念不忘 所以決定黎一碗蝦籽撈同雲吞蝦籽撈 價錢貴一倍 味道少一半 就係名牌黃枝記同地道祥記既比較 醫好肚距離上船番香港時間仲有7個鐘 一於繼續HEA遊啦 朋友帶我去一間聽聞係網上頗出名既vintage店鋪行下 由於位置比較偏僻 行過去都幾遠幾隔涉 當我地去到發現原來冇開門 啊! 神馬？摸門釘？(吶喊樣再現) 點解可以咁黑仔 先係祥記... 當我準備放棄既時間 朋友醒目地用面書inbox店主 誰知隔5mins 店主就趕黎開鋪 真係不負所望 但始終vintage野不太岩我 朋友就買左2件衫 同店主傾下計；坐下充好電又要起程 從店主得知原來係馬交星期一係屬於休息日 好多店鋪都唔會開 醒目啦 咪學我地咁呀～ 係店主口中得知原來有個地方好似香港鴨寮街 佢地有D貨都係果到尋番黎 步行大約10mins 去到鏡湖醫院再行前少少見到永樂戲院轉左就到達 驟眼睇呢到有D似廟街加鴨寮街 好多2手電器；家品；衣褲鞋襪 我諗呢D就係所謂既夜冷店如果有耐性既應該可以尋到岩心水既野 聽講朋友之前尋到1部日產傻瓜機 只售HKD$50 不過我最冇既就係耐性 加上天氣焗 真係不能夠係到逗留... 呢D又熱又焗既天氣 口特別容易乾 經過呢間香港冇既DQ立馬飛入去買杯野飲下 即時爽晒 下午6點多 一直以我地最慢既速度行 行行行 距離番香港既時間好似冇少過 時間開始有點難過 最後我頂唔順 建議試試撞下有冇後補船位 所以我地立即搭shuttle bus番氹仔碼頭 誰不知真係比我地撞到！(歸家似箭mode turn on!!) Bye Bye~馬交 Bye Bye~ 後記：今次係我第一次同朋友離開香港 感覺同男朋友去旅行好唔同 好多時候都要靠自己 攰冇人幫你拎野 冇人會特別遷就你 所以有好有唔好啦～ 呢到有篇關於同朋友／男朋友去旅行既比較 ＞最佳旅伴
