天氣開始熱 為大地帶來美腿既季節又黎 今日去沙灘曬太陽 試水溫 由於我地住新界區比較少沙灘 每次都要專程出遠既地方 今次都唔例外 所以我地決定去赤柱 貪可以行下 由大埔出赤柱都幾唔就腳 我地先由太和搭火車去紅磡再轉城巴973 正確講個巴士站係尖東 科學館；文化博物館個頭 我地由紅磡火車站附近都搵唔到 結果都要行到尖東 ^呢個站係理工大學康泰徑對面 假日車次大概20 mins一班 車程大概1小時(左兜右兜) 睇路線圖可見好多個站 瞓一覺就岩岩好到達 直接去赤柱正灘既可以係總站落車 一條路就去到 而我地落錯車又唔識路(呢頭起碼有5個沙灘) 入沙灘前記得係附近買定水同乾糧 因為沙灘入面冇小賣部 巴士總站對面有間惠康 雖然星期六 但唔算多人 好易搵位(可能係我地晏左入黎LOL) 可惜天公不造美 全日陰天 令本身打算認真曬太陽既我有點掃興 但邊個話陰天就唔可以去沙灘？ 同阿盧；湯馬士一齊說說笑笑 加上呢到水清 天氣又唔太熱 好舒服 咁就過左一個下晝 大約5點就執野沖身走人去赤柱廣場搵野食 一路行見到好多狗好多外國人 氣氛好好 最後我地決定食Pizza Express 點擊圖片放大 ^ 係赤柱食野緊係坐outdoor 舒服既涼風 點擊圖片放大 ^ 我地3個人嗌左salad; pizza; pasta 份量唔多 岩岩好食飽 ^ 我飲Jax coco天然椰汁 2位男仕食無限添飲檸茶 冇錯左無限添飲 飲飽食醉 盛惠$525 美食配美景 值!! 之後係商場行左陣就離開喇 回程我地搭6/6X去中環轉巴士 ^ 站頭係商場最頂層 好易搵到 赤柱真係一個週末好去處 雖然偏遠左少少 但得閒入黎幻想下第時退休可以係充滿外國Feel既地方生活 放下狗；係酒吧同三五知己吹下水；帶小朋友去沙灘.... 係呢到狗可以入商場 可以唔著鞋周圍行 真寫意～ Instagram: eatplaylovene
