生活係繁華既石屎森林 人多車多 地細樓高 人煙密集 家家燈火 屬於我地既天空好細 幾乎需要係樓與樓之間窺探先望到天空 我地會因為間中見到幾粒粒星星;吹到幾陣涼風;藍天白雲 而感到興奮 雖然冇得好似係外國咁抬起頭就見到星星;出街就會涼;好天就會藍天白雲 擁有同一片天空 但見到或感受到既就大大不同 身為都市人既我地會因為去郊外地方見到滿天星星而嘩然 亦會因為某日天公作美天朗氣清而感到興奮 依然慶幸我地會因為以上既偶爾而開心 就係呢種偶然令我地更加珍惜同大自然接觸 假期時不妨做多D戶外活動 唔好只留係屋企對住部電腦;行係街不妨放低電話抬起頭望下天空 你會發現大自然一直係身邊等緊你感受;接觸 只係我地被其他野吸引而忽略左 不要去羨慕不要去妒忌 人地擁有廣寬天空 但我地擁有因為偶然而感動 學習珍惜比一直擁有更重要