數字同英文字便利店有一個賺錢必殺技 就係推出一堆需要儲印花換既唔等洗公仔 務求你有嗰種爭幾蚊多一個印花而買多幾樣嘢 除咗儲印花 亦都可以爽快啲加錢換 不嬲對呢啲唔等洗公仔冇興趣既我 今次有難喇 數字便利店推出咗復仇者聯盟既公仔 我不能回頭了 早係未開始有得換既時間 已經發散消息 叫一班師奶兵團幫我「儲印花」 嗰段時間我好有heart地不停幫襯數字便利店 加上我怕重複會阻礙儲齊既進度 所以每次都係加錢換 可想而知我有幾想要呢？ 就係我儲齊晒既時候 得知一位同事又話要換 呢個數字便利店唔等洗公仔既死忠 次次有新嘢都話要換又話好想要 見過佢既「儲印花」招式 少年你太年輕了 不停連環式轟炸收陀地 包括印花，人地重複咗既公仔 誓死唔會加錢換 亦都唔會特登去買嘢儲 其實咁樣儲法雖然有啲浪費金錢(冇人叫你次次都換 ) 但為咗自己想要既公仔儲下印花，撞下款，失落下，儲齊滿足感都好大 (雖然有4隻係人地送lol)
