每次入綠色連鎖咖啡店想坐下,歇下,飲杯野 當見到以下情況 一部二部手提電腦; 一杯二杯霧晒水珠既飲品; 一疊二疊厚厚既紙; 一條二條既耳機; 一個人霸1張枱2個位 都會出現一個疑問 究竟我係自修室定咖啡室? 邊「溫書」邊「嘆咖啡」 已經係係近幾年咖啡室最常見既情況 約三五知己一齊「溫書」講野又唔洗鬼鬼祟祟 有冷氣 又隨時可以食野飲野 何樂而不為? 但對於我地呢d行街行到攰; 等人等到炆 想搵個舒服地方飲杯野抖一抖都冇既人 不禁地諗 如果可以入自修室歇下就好喇 我有一個問題(舉手) 其實約成班朋友係一個嘈生晒既地方真係溫到書? (千奇唔好以為咖啡室代表一定靜 咖啡室除左溫書亦都係一班蝗蟲等位新熱點 冇錯!就係一班入黎冇幫襯坐係到等附近餐廳位食飯嘈生晒既蟲) 嘈都唔係最大問題最奇怪係比8卦既我留意到佢地部手提電腦全程都停留係 面書; 論壇; xx影視既版面 真係10個趣!!! 唔怪得我當時成績咁差 原來留係屋企係溫唔到書咖~(苦惱) 不過凡事都有例外 一啲真係想認真溫書又冇地方既學生(自修室位置有限) 加上係咖啡室溫書感覺又可能會輕鬆啲 始終咖啡室既用途都係比人住低放鬆下做自己野 其實讓一個位半張枱 你有你專心溫書 我有我安靜休息 咁咪win win雙羸囉~