我有一個理想 希望去唔同文化背景既國家 體驗各地文化;傳統 環遊世界講唔上 (始終好難可以每個國家都去到) 除非中六合彩/ 3T 相信好多人都會同我一樣 希望跳出香港 中國 什至亜洲 但礙於被金錢同時間限制住 往往令理想變成夢想 到老咗先黎後悔後生時冇去跳出香港呢個框框出去見識下 理想 vs 現實 其實以上好難兩樣兼備 正所謂魚與熊掌 不可兼得 所以我地要識得從中取得平衡 1. 認清 首先理想可以有好多 但千萬唔好得一想二 除非你係富二代 能夠做生意之餘 又可以環遊世界 如果唔係麻煩安份啲 想做嗰樣就專心做 否則好容易兩頭唔到岸 唔好咁易受人影響 堅持自己理想 以我為例:好多朋友理想做生意/學多啲唔同既嘢 認為去旅行比較奢侈 唔實際 但每個人既觀點唔同 我自己就好堅持見識先係最大既擁有 2. 計劃 話明理想就一定係big deal 一定要從長計議 時限係要有 但千萬唔可以急功近利 放鬆啲認真計劃下點樣實行你既理想 以我為例:我計劃咗係30歲前 冇束縛狀態 盡可能去多啲遠既地方 因為有啲地方就算遲啲有家庭小朋友都可以去 例如:日本 台灣 泰國等等 3. 取捨 去旅行一定要用唔少錢同時間 呢2樣係最難賺番黎 所以一定要好好計劃取捨 以我為例 :時間方面選擇一份冇咁困身既工作 而金錢方面生活上好多非必需品都唔應該買(努力學習中) 樓,車係現階段都屬於非必需品 冇謂比自己額外既負擔 4. 實踐 係你未可以做到第3點時 千萬唔好放棄 實行黎個大小通吃 所謂實踐就係儲經驗 以我為例:雖然我暫時只出過幾次國 但都會捉緊機會去下內地 澳門什至離島旅行 去旅行都要經驗 都有嘢學既 以上幾點都只係個人既意見 好多方面我都努力梗 (特別第3點) 令我可以向理想進發 所謂理想比夢想容易實踐 唔好等到一日令理想變夢想 先黎後悔 嘗試過做唔到唔係最可惜 而係試都冇試過就放棄