話說有一日打開面書見到一張阿迪達既新廣告圖 搵黎11個一班又瘦又弱不禁風既女明星著住最新出既運動衫 擺出作狀做緊運動既pose明顯想賣健康feel 其實瘦係咪等於健康?瘦係咪就等於靚? 我望住相入面其中一個女星連B雅隻香雞手 唔好意思! 我唔贊同 或者你會講 唔係喎 佢地有D跑開步;跳開舞;做開Gym 但當中有幾多捱夜;節食我地又知幾多? 究竟瘦到得排骨咁係咪代表靚? 究竟苗條又係咪等於健康? 我唔係營養師或者運動健將.... 以上只係一個消費者既感覺 見到呢張poster我感覺唔到健康 只係覺得灌輸緊一種錯誤觀念比我地覺得瘦到排骨=靚/健康 當然我好欣賞果種做運動練出一身完美曲線健康既女仔 但果種靠食藥;唔食野減肥既瘦蚊雞 sorry~ 你唔係靚 係冇營養! 就黎夏天 我都減緊肥去沙灘著下bikini 而家堅持每晚做Yoga 早餐食麥皮 午餐依舊食通粉/飯 晚餐食salad +水果/乳酪 雖然會慢D 但起碼係健康既 就算瘦唔到都健康D~ The "Perfect" Body 其中一個喜歡既youtuber就帶出呢個信息, 不防入去睇下