天氣開始回暖 有咩健康之餘又可以親親大自然? 行山係不二之選 所以就約左阿盧同大頭表弟一齊做下健康人 :lol: 早係一星期前開始計劃行程 而第一次行既我地選擇左馬鞍山郊遊徑 上網research資料好齊全 有一個好有用方便既APP Apple / Android 都可以下載 "Enjoy Hiking" 有關馬鞍山郊遊徑 難度：＊＊(4*最難) 4.5公里 需時：2 hours 交通：有巴士／小巴／馬鐡到達恆安 行裝準備 衣著以舒服為主 背心；運動褸；運動牌；波鞋 ＾大概就是上面咁樣 其他裝備 有一枝大水；急救用品；少許乾糧.....基本既都有帶 前一晚早D訓 養足精神!! 當日我地約左12:00係恆安等 先係恆安村商場食個早餐 食完就開始我地既行山之旅 由恆安村公園一直向山方向行 經過隧道 沿途都有指示牌 去到公路底有人係捷徑行落黎 我地就跟人流行 一大條明顯唔係正式山路既斜路 其實都幾危險 當上到公路隔離就開始要自己摸路 ^上圖行前幾步有條被封既樓梯 而我地就要破網而入 順住幾條又斜又長既樓梯就會上到正式山路 沿途會見到好多人拎住BBQ既食物；用具 明顯大家既目的大大不同 經過20 mins既石屎路 終於到達馬鞍山郊野公園燒烤場 先係到休息一下 去個廁所 影下相 馬鞍山家樂徑就係呢到 記得自己仲係小學雞時跟學校黎過 點擊圖片放大 休息一陣就起程 一路行都依然係石屎路 邊行邊影相 聊下天 就會見到有間士多 行行下見到山邊有幾個山洞 係出面望入去都覺得恐怖 *唔建議大家入去 因為唔知入面咩黎 過左呢條橋就會見到有條石澗 之後既路就會比較難行 ^ 石澗水好清澈 千奇唔好污染呀! 行過石澗就正式開始"山行" 因為之後既路都比較難行 泥地 石梯 狹窄 青苔 比我想像中危險 點擊圖片放大 +6 就係呢種情況 對於第一次而冇裝備既我地比較危險 加上當日天氣潮濕 泥土鬆 石梯濕滑 所以一定要留神 雖然行得幾辛苦 但好彩有阿盧同大頭表弟既照顧 沿途風景十分之靚 值得值得!! ^ 其中一個好有feel既影相點 幾經辛苦終於到達第一個目的地 點擊圖片放大 第一條分叉路 我地選擇緊繼續行上去 放棄原本打算行既路線 (原因比較多人行上去 跟住人流好似比較安全) 點擊圖片放大 +2 上到最高 原本可以繼續行去西貢既路因為太大霧 途人建議唔好繼續行 所以最後只好沿路折返 安全至上 開始回程 捉緊時間怕開始入黑 問題黎喇 因為著既只係著普通波鞋 所以好快攰 加上承托力唔夠 腳踝；腳趾；膝頭哥開始痛 落比上更難同危險 跟住人流 帶住疲倦既身軀 終於落到地面 雖然今日天氣不太好 去唔到原本想去既目的地 但影左咁多靚相 見到咁靚既景色 最重要係可以spend time一齊行下山 冇上網既情況下相處下 平時既我地只會低下頭 望住一個螢幕 透過電話聊天 但行山可以抬起頭 望下大自然既美麗 同身邊既人邊行邊傾計 週末好去處 不過下次會買好D既裝備 乜野都係假 安全；舒服最重要
