細個興味千 家陣興豚王/一蘭 下下出到港島區不特只仲要排餐死(對我新界人而言) 有一次無意中開OPEN RICE撞彩睇下有咩好食拉麵既餐廳 誰不知比我地發現左"台風" 一間座落於荃灣大河道巴士站附近既地道拉麵店 店內面積唔大 位置唔多 ^ 偷拍廚房 好乾淨 格局同日本地道既差唔多 入面既staff 講既係日文; 播既歌都係日文 總之係入到去感覺好似去左日本啦~ ^ 請留意餐牌 餐牌有4種選擇 冇任何小食 4種拉麵分別係魚介豬骨湯拉麵; 骨膠原撈拉麵; 紅色風暴拉麵; 蕃茄芝士拉麵 而我地就只試過頭2種(好食到每次都encore) 其實2個分別係有湯冇湯 配料大概都差唔多 撈麵既會有中間果舊"骨膠原"(食左唔知會唔會真係皮膚好D?) 糖心蛋 由於我不太好果陣滷蛋味 所以每次都會比阿盧食 叉燒 大大既2塊 唔會太難咬/太乾 湯底 大讚!! 濃而不油 麵 對於我,麵質十分重要! 唔鍾意食軟身/糊 呢到麵質可以自己choose 有口感彈牙!! 落單紙有得自己choose 咸淡/軟硬/油唔油 溫馨提示: 1. 明知自己細食可以要少d麵(免得浪費) 2. 如果set左成朝頭既長髮女仕提提你 呢到食野要紮起頭髮 冇橡筋唔緊要, 因為staff提供比你 3. 座位高身, 操身大細既要小心d 4. 不設加一, 如果唔加呢加路加配料 大約$70-$80 for one 5. 第1次幫襯可能未太興旺, 但到而家要排下隊等下位, 比d耐性