2個完全陌生既人 不同性格; 成長背景; 喜好習慣 相見當然好 但當真正相處-同住既時候....又會變成點呢? 意見分歧; 爭吵不休; 最後分手收場 前2者其實在所難免, 但點樣可以嗌交既同時又唔傷感情 阿盧同居差不多2年, 同住難? so far so good~ 首先要感激佢對我既忍讓(我有自知之名既~) 「一個脾氣差既女仔最幸福係有一個脾氣好既男朋友忍讓」 當然唔係叫你攞正牌發脾氣, 但女仔既野....你知我知啦 就因為我地既"之道" 令我地既相處變得比較容易 1. 「有果句講果句」 拜託! 唔好成日以為對方係自己肚入面條蟲 要人地估你想點嬲乜諗乜.... 大佬, 我諗你有時連自己想黠都唔知啦 又唔係有獎競猜遊戲 估中又唔認 唔中又話人地唔細心 其實有咩咪講, 唔講唔解決條氣黠都唔會順又何必自己頂住道氣呢? 2.「永遠唔會嬲住訓」 嗌交嗌嗌下唔夠講用要冷靜下思考下走出街 都講得去 千奇唔好同我講你訓覺都可以冷靜下思考下 你呃人! 根本就係藉口! 有咩大家咪三口六面三姑六婆攤出黎講 感情係2個人之間既事 唔好拉第3者入黎 周公係幫唔你地解決問題! 3.「理論勿嗌交」 嘈到家唱屋閉掟野立架餐係冇用咖 只有你有道理冇人可以夠你講 無謂嗌到耳紅耳綠; 聲嘶力竭 小則喉嚨痛 大則心臟病發! 4.「一事還一事」 陳年舊事留番比陳年 連目前既都未解決 麻煩唔好好高騖遠; 自不量力 讀書考試又唔見你記得咁清楚 咁芝麻綠豆既事又記得 你話你係咪冇前途? 5.「道歉的禮貌」 做道歉果個當然要有禮貌 但另外一位麻煩你都尊重下 道歉果個未必係錯 而另外一位都未必係岩 麻煩接受道歉之前諗清楚條氣係咪真係順左先 唔好明明接受道歉 但個面口一樣黑 比落台階你就好好行 唔好道歉接受 態度照舊 其實我地依然係學習階段 但以上既最主要都係想帶出「溝通」2隻字 記得對方係你男/女朋友 or 老公/婆, 唔係你仇人 :-) 感情好與壞 在乎溝通與關懷