又係依個「香港也能買到的平價日妝好物」Topic啦 身邊好多朋友都問我幾時會再寫 我心諗有平靚正既野一定要分享 而香港近期真係入左好多遊日必買 我亦都好認真咁試左 以下依幾樣係我覺得真係好唔錯 價錢最貴既都唔會超過$90 可以推介一下 有興趣就睇一睇啦 Mentholatum Lip Baby Crayon亮彩潤唇筆 HK$77.70 Mentholatum既潤唇膏相信大部份人都會擁有一支 我就最中意佢經典既薄荷味 潤得黎又會有涼涼既感覺 好舒服 而依款亮彩潤唇筆 係日本一推出馬上大賣 成為左遊日必買既彩妝 而且一買就要買哂三色 潤唇筆潤澤得黎 有淡淡既亮彩顏色 薄薄一層可以提亮自然唇色 重複塗抺就可以呈現更嬌嫩既唇色 感覺都幾水潤紅潤 三色選擇總有一款岩自己呀 Saborino 60秒早安面膜 HK$85.00 依款面膜淨係聽個名已經好心動 上網Google一分鐘面膜可以睇到好多推介 係現時日本女生每日化妝前愛用既好物 本來已經入左我去日本既必買物 點知而家香港都可以買到 二話不說即試 每朝起身潔膚後 拎出一塊敷一分鐘然後保濕就可以啦 面膜十分濕潤 有淡淡既水果香味 敷既時候感覺涼涼既 有醒膚同收毛孔既作用 敷後亦有即時保濕既作用 上妝亦會較貼 但如果作日常既護膚就唔係好夠潤澤啦 而作妝前急救既就真係值得推介既好物 Canmake Powder Cheeks PW38梅子粉紅胭脂 HK$70.00 Canmake既彩妝我真係好中意用 又平又有質素 特別係光影同胭脂 今次推介俾大家係佢最新出既豆沙紅胭脂 一睇包裝以為會好深色 但上手推開就會發現係淡淡既梅紅色 梅紅色係有明顯既顯白作用 上臉塗開有微微好似飲左酒既效果 無論咩膚色既朋友都岩用嫁 KissMe Heroine Make持久防水濃密睫毛液 HK$82.00 KissMe既Mascara一向都係CP值好高既產品 以前仲係紅色包裝既時候我都用過唔少支 但慢慢我就轉左去用專櫃既品牌 而最近我又重回左KissMe既懷抱 Mascara既擦好配合眼型 連擦下睫毛都好準確 拎一次既份量已經可以搽哂兩隻眼 做到增長捲曲既效果 一整天都唔會溶 而且相比起以前既配方易卸左好多 係日妝中Mascara必試既產品 Mentholatum手部美容精華霜 HK$79.90 最後依款手部美容精華霜簡直係拯救左我雙手 由於我係一個嚴重中意洗手 但唔中意搽handcream既人 所以雙手既倒刺真係好利害 我唯有迫自己每晚臨訓一定要搽handcream 但一唔記得搽一晚 第二日倒刺又會say hello 直到遇到依款手部美容精華霜 佢算係一款手部既sleeping mask 好少既份量已經可以搽哂全手 第二朝已經有明顯既滋潤效果 用左一星期到 每晚一次倒刺已經好返哂 而家有時連續2晚唔記得用 都只係會覺得雙手比較乾 正正式式同倒刺講Byebye Giveaway 今次會送出3支Mentholatum Lip Baby Crayon亮彩潤唇筆 希望大家都可以試用一下 玩法好簡單 只要完成以下3點就可以啦 1) Like我既Facebook Page : https://www.facebook.com/emmalovesbeauty 2) Like及Share Giveaway既post 3) 係Comment到分享俾3位朋友 截止時間係31/1/2017晚上11:59pm 我會隨機抽出得獎既朋友 係1/2/2017係我既FACEBOOK PAGE到公佈得獎者 然後就會聯絡你同將禮物寄俾你嫁啦! 請多多支持❤❤❤ 有興趣睇反之前3篇既朋友可以按以下網址 ❤ 香港也能買到的平價日妝好物 ❤ http://www.beautyexchange.com.hk/blog/152255 ❤ 香港也能買到的平價日妝好物PART2 ❤ http://www.beautyexchange.com.hk/blog/160781 ❤ 香港也能買到的平價日妝好物PART3 ❤ http://www.beautyexchange.com.hk/blog/179445 希望大家中意我既分享 歡迎任何合作❤ 試用❤ 出席活動❤ Email :emmama__2@hotmail.com Facebook : https://www.facebook.com/emmalovesbeauty Instagram : lny_emma Beautyexchange : http://www.beautyexchange.com.hk/blog/emmama__2 The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Elle : http://blogs.elle.com.hk/emmama2/ UBlog : https://blog.ulifestyle.com.hk/blogger/emmama213/ 免責聲明 **以上產品意見屬個人分享 並不代表該品牌之言論及立場**
