之前推介過好多平價既好物 今次想同大家分享一下幾樣專櫃值得投資既好物 專櫃既產品當然價錢會比較貴 但我覺得只要質量同包裝都值既 我覺得又不妨可以投資一下 以下係幾樣我覺得物有所值既專櫃產品 好多都係我每日必用 甚至已經俾我用到見哂底 其實每一樣我都有係唔同既文章到介紹過 今次就等我一次過再同大家分享一下啦 Hourglass Mineral Primer SPF15 $250.00 Hourglass最暢銷既產品Mineral Primer 據聞係麥當娜都指定要用佢黎打底 唧出黎感覺似係防曬既質地 但推開發現佢好幼滑 而且好乾爽 面色即時均勻左 同白左一D 有效遮蓋發紅 隱藏毛孔同細紋 係潮濕天氣用依然防汗防水 粉底亦都冇咁易LUCK 而且每次用少少就夠 不得不提我好欣賞佢有得買travel size試左先 不過我用完都應該會買支full size嫁啦 Cledepeau Correcting Cream Veil 36mL HK$550.00 夏日我會用HOURGLASS 秋冬我比較中意用依款CDP 好多人讚既一件產品 質地透薄 容易推勻 淺粉紅色可以均勻膚色 另有SPF20既防曬度感覺乾爽 好多BASE會因為時間既關係變得暗沉 但佢係時間愈耐愈吸收愈靚既感覺 如果你完全冇BASE 又中意自然感覺 用哂想買支新既 絕對可以一試 JILL STUART mix blush compact UV SPF20/PA HK$300.00 依個胭脂係好值得入手既 因為佢係一款首次增添左防曬功效既胭脂 胭脂具有SPF20/PA 特別為容易曬傷既雙頰提供SPF效果 係補妝既同時補埋防曬 一盒四色既胭脂可以MIX埋一齊用 或者分開用都得 加上佢咁正既包裝 同靚到暈又方便既掃 都係好值得投資既原因 仲有淡淡既水仙花香味 你仲諗咩呢 CleDePeau Luminizing Face Enhancer No.11 HK$800.00 Cle De Peau其中一樣好出名既化妝品 有用佢 同冇用佢 個化妝真係有分別 產品用左創新既導光技術 可以令輪廓更標緻 個妝更柔和 潤澤 成個人blingbling左精神左咁 如果你係好中2化妝既 絕對應該擁有一盒 而且幾大盒 好襟用下嫁 Diorskin Star Concealer HK$310.00 我用到見底都仲要拼命挖黎用既好物 雖然佢係一支為眼部肌膚而設的遮瑕膏 但我真係好中意用佢黎遮黑斑 基本上我調色左之後用佢 D斑就完全COVER哂 而且個效果好細緻 皮膚亦都更透亮 而且佢毫無技巧可言 點2點上面 用手指推開就OK 係我拎出街補妝必備 Urban Decay Eyeshadow Primer Potion Original HK$200.00 一向化妝都有用開primer既習慣 除左可以令眼影更持久外 仲可以令眼影更易上色 同展現出原色 Urban Decay四款primer 當中我就最中意original 產品本身係呈微微既肉色 好易推開 質地幼滑 冇需技巧都可以搽得均勻 搽開後可以調節反眼皮既膚色 上眼影時亦較易上色 primer 有助抓住眼影既顏色 令佢更加持久 冇咁易甩 亦可以控制到眼皮既出油情況 Tom Ford Eye Color Quad HK$620.00 Tom Ford係我最推介既專櫃眼影牌子 雖然佢好貴 而且好似又加左價 不過佢係值既 加上佢粒眼影係比起其他牌子大粒 所以如果你係買一盒長用既 絕對係抵既 有排用! 眼影摸落去好鬼細滑 而且超易上色 基本上畫一下就已經上哂色 加上持久度真係可以LAST到一日 基本上唔補都冇問題 加上佢個磁力包裝 加大大塊鏡 所以如果你有BUDGET投資一盒專櫃眼影既 我絕對推介Tom Ford CleDePeau Perfect Lash Mascara HK$400.00 纖長 濃密 鬈翹既效果都做到 而且根根分明 雖然要$400一支 但佢用左成半年有多都未乾個下 我就覺得佢抵啦 捨得洗錢買Mascara既朋友一定會叫佢買Cle De Peau 因為佢既長壽命真係值得個$400 其實除返開 同用普通牌子既價錢差唔多嫁炸 YSL Volupte Tint-In-Oil HK$295.00 我依個唇膏控 最 中2既其中一支就係YSL依個TINT-IN-OIL 我係叫哂我身邊所有中2化妝既朋友一定要買 由於佢係一支護唇油 所以係超級潤 搽上咀好舒服 仲有淡淡YSL既香味 感覺即時高級哂 用左佢個咀真係唔會有乾 同唔會有luck皮既情況發生 注意佢係漸變色既 上面個咀係我剛搽既效果 慢慢佢就會冇咁油同個顏色會再出D 所以中意唇膏既你又點可以錯過呢 一定一定要去買呀 希望大家中意我既分享歡迎任何合作❤試用❤ 出席活動❤ Email :emmama__2@hotmail.com Facebook : https://www.facebook.com/emmalovesbeauty Instagram : lny_emma Beautyexchange : http://www.beautyexchange.com.hk/blog/emmama__2 The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Elle : http://blogs.elle.com.hk/emmama2/ UBlog : https://blog.ulifestyle.com.hk/blogger/emmama213/ 免責聲明 **以上產品意見屬個人分享並不代表該品牌之言論及立場**
