相信好多女仔都有黑頭既問題 好多朋友都會問我點解決黑頭既問題 自問我黑頭問題唔算嚴重 但都有D白頭同酒米 而我解決既方法就係會輕輕針清一下 但針清既野唔係人人都識得就力 黑頭一針唔清後果好嚴重 隨時變大粒瘡 以下係一D我慣用既針清良伴好物 用左可以幫助消炎 同令紅印快D消 有興趣就睇落去啦 Innisfree Jeju volcanic pore clay mask 針清前一定要敷反個清潔MASK先 等D粉刺黑頭浮上面 咁針清時先可以唔駛咁用力都清到D黑頭出黎 有心機既可以針清後再用多次係鼻同針清得比較利害既地方 確保針清得乾乾淨淨 另外1星期2次既清潔MASK可以幫助清潔毛孔 減少油脂 而我就首推依款Innisfree火山泥 價錢合宜 效果亦唔錯 我用依隻係第1代 較幼滑易推 Innisfree bija anti-trouble skin 如果冇時間心機再敷多次清潔MASK既可以試下依支toner 佢既榧子成份可以保濕 舒緩 修複 去角質 抗敏同抗痘 我會係針清後用一塊化妝綿係鼻既位置濕敷3-5分中 幫助鎮靜消炎 對去紅同保濕既功效都唔錯 如 果你係油性肌痘痘肌既 用黎全面toner用亦可以 其他既膚質就可以主要用黎針清後濕敷 我已經用哂成支啦 要去買過先得啦 Cellnique Skin Action Sebum Gel 淨純肌膚去黑頭凝膠 消左炎鎮靜左就要搵D野搽下等針清完既地方快D好啦 依支去黑頭凝膠真係一支黑頭剋星 產品標榜可以強效去除頑固黑頭 抑制過多皮脂分泌 減少黑頭粉刺形成 酵素分解去除死皮角質等等 產品呈透明啫喱狀 味道有少少薄荷既感覺 質地好輕透吸收 完全唔會痴笠笠 早晚潔面爽膚後 按大約1-2下既份量 均勻地搽係黑頭粉刺同T字位 直至完全吸收 塗 上時會感覺涼浸浸 皮膚好似有收緊左既感覺 其實搽上面按一陣已經好快被皮膚吸收哂 我而家每晚都會用 如果有針清個晚就會用多少少分量 我發現白頭同粉刺既數目少左 而針清時明顯清出黎既污糟野數量亦都少左 而且我發現佢既鎮靜抗炎效果唔錯 針清完搽佢明顯個鼻消紅消得快D 同冇咁易變成大瘡 MOPIKO 強力無比膏 一般人都以為無比膏淨係用黎止癢 蚊咬時先用 但其實無比膏最利害既功效係消除紅腫 熱痱 濕疹 皮膚敏感時都可以搽 所以每逢我發現面上有粒粒開始起時就會搽 如果唔係太嚴重既第二日就會消左 另外有時我針清完後都會搽係針清過既地方 紅腫會快D消 好用過暗瘡膏呢 不過都要溫馨提示下大家 係要確保唧乾淨先好搽 未乾淨既都係提議用反暗瘡膏 無比膏最主要係消紅腫 Nexcare Acne Care 3M荳痘貼 如果針清完既地方好明顯係冇辨法清得乾淨 或者你有擔憂佢係唔乾淨既 我建議你可以係個個位置貼3M 貼過晚 第2日起身你會發現個貼有一大點白色 代表佢已經幫你清乾淨左 咁你就可以搽反D暗瘡膏/無比膏黎消炎/消紅腫啦 記得要根據自己既情況而搽唔同既野 我依款3M係係台灣買既 價錢平好多 好似係香港既一半價格 所以係去台灣既必買好物 溫馨提示 針清係要有技巧既 唔係大大力就有用 正確既針清係要先消毒好針清既用具 然後用輕力慢慢推出黎 唔係用強力按壓既方式 另外亦要注意適時既忍手 如果黑頭好明顯未浮面既另願唔好清住 用多幾次清潔mask等佢浮左面先再清 如果唔係好容易清完仲衰過唔清 鼻上大粒既桃花瘡就係咁形成嫁啦 黑頭好嚴重既朋友 我亦建議你去做反一次facial 等人幫你大掃除一下 再反屋企慢慢調理啦 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalovesbeauty Instagram : lny_emma The Ztyle : http://www.theztyle.com/?80365 Elle : http://blogs.elle.com.hk/emmama2/ iTral : http://trial.itrial.hk/member_center.php?action=blog BE : http://www.beautyexchange.com.hk/blog/emmama__2 SHE.COM : http://blog.she.com/emmama2/ 免責聲明 **以上產品意見屬個人分享 並不代表該品牌之言論及立場**
