今時今日 皮膚除左白之外 仲要有光澤感先算係女神肌 平時勤力搽精華同敷面膜就一定要嫁啦 但試問有幾多人真係可以做到咁天生麗質呀 好多朋友都話我既皮膚反哂光咁 當然我平日係有好勤力護膚啦 但其實我化妝時都落左好多小心機 今次我就要公開我反哂光既秘密 以下就係我常同既光影產品 我將佢分左3個類別 大家不妨從中搵下有冇野岩自己呀 Highlight Base 化妝前既打底霜 通常全面搽 令膚色較均勻 以及帶出全面既光澤感 閃亮度一般 效果比較柔和 但會比較持久 CleDePeau Luminizing Enhancer Base 17mL HK$680.00 推介度 : ❤ ❤ ❤ 光澤度 : ❤ ❤ ❤ 持久度 : ❤ ❤ ❤ 閃亮度 : ❤ ❤ 評語 : 如果你中意光澤感 但唔中意太閃太亮既感覺 我會推介你用依支 係搽粉底前局部搽係兩頰 眼底同鼻樑 用好小既分量已經足夠 一支可以用好耐 完妝後會有好自然既光感 而且整體感覺會白左 成個妝會明亮左 好適合皮膚比較暗啞既女仔 Guerlaine Meteorites Perles HK$565.00 推介度 : ❤ ❤ ❤ 光澤度 : ❤ ❤ ❤ 持久度 : ❤ ❤ ❤ 閃亮度 : ❤ ❤ ❤ 評語 : Guerlain當中既其中一款皇牌產品 highlight 同時具有少少保濕力 可以令到成塊面都好有光澤 有精神左既感覺 但要注意使用既分量 每次用一泵就夠 同要等佢差唔多吸收哂先好上粉底 如果唔係會有機會起擦紙膠碎 所以如果你係每日要超快化妝既人就未必岩啦 Chanel Multi-use Illuminating Base HK$450.00 推介度 : ❤ ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ ❤ 閃亮度 : ❤ ❤ 評語 : Chanel依一款我都好中意用 質地好滑 容易推得均勻 可以做到好柔和既光澤感 均勻到膚色 而且同任何一款既粉底都好match 最重要係佢既味道真係好香 如果佢有埋防曬效果就perfect啦 推介俾想買有光澤效果既base既朋友 Highlight Touch & Corrector 以筆狀liquid highlight為主 重點用係鼻樑 眉骨 眼底 製造出明亮既效果 亦具輕微既遮暇力 但持久度一般 YSL Radiant Touch HK$300.00 推介度 : ❤ ❤ ❤ 光澤度 : ❤ ❤ ❤ 持久度 : ❤ ❤ 閃亮度 : ❤ ❤ ❤ 評語 : YSL最出名既明彩筆 用黎打亮唔錯既 特別係眼底既位置 用左真係會覺得精神左 但佢遮暇力一般 如果係有黑眼圈問題既就唔可以只用佢 要先遮暇或用粉底 再用上面作highlight 如果budget有限既我唔會建議投資 因為highlight同遮暇既效果都唔算好明顯 Shiseido Sheer Eye Zone Corrector HK$230.00 推介度 : ❤ ❤ ❤ 光澤度 : ❤ ❤ ❤ 持久度 : ❤ ❤ ❤ 閃亮度 : ❤ ❤ 評語 : 原理同YSL個支差唔多 不過依支質地厚D 遮瑕力都高D 但都係主要用黎遮黑眼圈 紅印同黑斑相對地就會麻麻地遮到 用黎打亮EYE ZONE效果都唔錯 可以見到明顯有神左 如果你黑眼圈唔嚴重既 用黎輕微遮下同打亮 效果都唔錯嫁 Canmake Highlight & Retouch Concealer UV HK$72.00 推介度 : ❤ ❤ 光澤度 : ❤ ❤ ❤ 持久度 : ❤ ❤ 閃亮度 : ❤ ❤ 評語 : 又係一樣道理想遮暇唔駛諗 打亮既OK 但依支野真係唔多推介 因為佢highlight同遮暇都做得唔算好 遮完得小小亮 而且好快就會冇哂 Highlight Powder 粉狀既highlighter 最容易用 可用係任何需要既位置 份量容易掌握 效果亦最明顯 光澤度 閃亮度亦最高 Guerlain Meteorites Perles 2 Clair HK$480.00 推介度 : ❤ ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ ❤ 閃亮度 : ❤ ❤ ❤ ❤ 評語 : Guerlain既波波粉出名就應該係人都知 而佢亦好做到我想要既光澤感 我通常成面用 幾乎係用佢黎定妝 佢可以令到成塊面好光好立體 而且唔同色既波波MIX埋掃上面 個人感覺精神左 加上佢個陣紫羅蘭味真係香到暈 掃上面個陣味真係好鬼香 有時擺係枱面我都會忍唔住要打開聞下佢 如果你係同我一樣好中2全面光澤感既就唔好錯過啦 Hourglass Palette Eclaircissante Edit Ambient HK$950.00 推介度 : ❤ ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ 閃亮度 : ❤ ❤ ❤ ❤ 評語 : Hourglass而家香港有得買啦 身為中2化妝同highlight既我就緊係必須擁有啦 我就揀左依盒6款既palette 真係好抵 當中既LightingPowder Iridescent Light亦好值得推介 佢既光澤感同閃亮感都做得好好 粉質亦好幼滑 加上佢有少少帶粉色 有時我唔搽胭脂 淨係搽佢面色都會紅潤d 大家可以見需要買一粒粒既highlight 或者可以好似我咁買palette試哂唔同產品都唔錯嫁 CleDePeau Luminizing Face Enhancer No.11 HK$800.00 推介度 : ❤ ❤ ❤ ❤ ❤ 光澤度 : ❤ ❤ ❤ ❤ ❤ 持久度 : ❤ ❤ ❤ ❤ 閃亮度 : ❤ ❤ ❤ ❤ 評語 : Cle De Peau其中一樣好出名既化妝品 有用佢 同冇用佢 個化妝真係有分別 產品用左創新既導光技術 可以令輪廓更標緻 個妝更柔和 潤澤 成個人blingbling左精神左咁 如果你係好中2化妝既 絕對應該擁有一盒 如果有朋友去日本記得叫佢幫手買 因為平好多 好似500幾數就可以買到 The Balm Mary Lou Manizer 推介度 : ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ 閃亮度 : ❤ ❤ ❤ ❤ 評語 : 依個我真係唔記得幾錢 代購價我諗應該200蚊到 好大盒 相信好難會有用哂既一日 顏色偏金 適合做較古銅或金色系既妝容 粉質都好滑同幼細 可以blend得好均勻 佢既珠光都好靚 搽一下已經好實色 可惜我個人比較冇咁中2帶金既highlight 所以我總分俾3分 Canmake Highlighter 01 HK$70.00 推介度 : ❤ ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ 閃亮度 : ❤ ❤ ❤ ❤ 評語 : CANMAKE依盒HIGHLIGHTER真係平靚正 粉質好滑 淡淡珠光色 閃粉唔算大粒 所以上多D都唔怕 我通常化好哂妝 用佢掃係兩頰 眉骨 黑眼圈位 同鼻位 咁就會成塊面亮左同立體左 而且仲精神左 仲有一個好好既用法就係用黎補救太重手既胭脂 只需要係重手左既位置用紙巾印一印 然後大幅度掃上依盒HIGHLIGHTER 即刻自然哂 又有光澤 一盒可以用好耐 經濟實惠 Canmake Glow Fleur Highlighter HK$88.00 推介度 : ❤ ❤ 光澤度 : ❤ ❤ ❤ 持久度 : ❤ ❤ 閃亮度 : ❤ ❤ ❤ 評語 : 依盒CANMAKE既光澤同閃亮度冇咁高 適合全面面搽 加上佢以唔同顏色mix埋一齊 可以做到調色既功能 如果想局部highlight既亦可集中使用中間白色既位置 粉質都係好滑 淡淡既highlight 大幅度上都唔怕 不得不讚佢個掃 好soft 掃毛亦好密 方便上粉 Canmake Nose Shadow Powder HK$88.00 推介度 : ❤ ❤ ❤ ❤ 光澤度 : ❤ ❤ ❤ ❤ 持久度 : ❤ ❤ ❤ 閃亮度 : ❤ ❤ 評語 : 如果你需要一盒有齊Highlight陰影既 依盒就岩哂啦 粉質好滑 容易上色 highlight有淡淡珠光色 比起單盒既canmake會冇咁閃 不過光澤感做得好足 用係兩頰 眉骨 黑眼圈位 同鼻位 即時立體左同精神左 而陰影就特別掃係鼻兩側 打反個鼻影 個鼻睇落就會高d啦 一盒令你又高鼻 又有光澤 Nars The Multiple Copacabana HK$360.00 推介度 : ❤ ❤ 光澤度 : ❤ ❤ ❤ 持久度 : ❤ ❤ ❤ 閃亮度 : ❤ ❤ 評語 : 算係hightlight stick 都唔知可以歸納佢做邊一類 方便隨身攜帶 通常用於鼻樑及兩頰位置 輕輕畫一筆再推開 效果尚算持久 但需要慢慢BLEND開 通常我會將佢搽係兩頰blender開 再上胭脂 會較有光澤感 但我覺得佢個效果唔夠薄透 如果你係化妝熟手 中意自然光澤效果既可以試下既 不過唔係我既必買推介 Giveaway 好用既野就緊係要同大家分享啦 加上我最近終於開左facebook page 希望大家可以幫忙支持下 所以今次會送出2盒Canmake Highlighter 01 希望大家都可以試用下依盒咁經濟實惠既highlighter 玩法好簡單 只要完成以下3點就可以啦 1) Like我既fb page : https://www.facebook.com/emmalovesbeauty 2) Like+share Giveaway既post 3) 係Comment到分享俾3位朋友 截止時間係10/4/2016晚上11:59pm 我會隨機抽出得獎既朋友 係12/4/2016係我既FACEBBOK PAGE到公佈得獎者 然後就會聯絡你同將禮物寄俾你嫁啦! 請多多支持❤❤❤ 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalovesbeauty Instagram : lny_emma The Ztyle : http://www.theztyle.com/?80365 Elle : http://blogs.elle.com.hk/emmama2/ iTral : http://trial.itrial.hk/member_center.php?action=blog BE : http://www.beautyexchange.com.hk/blog/emmama__2 SHE.COM : http://blog.she.com/emmama2/ 免責聲明 **以上產品意見屬個人分享 並不代表該品牌之言論及立場**
