Jill Stuart相信女孩子都一定認識 佢既包裝夢幻同少女既程度係唔會有一個女孩抵抗得到 記得佢未黎香港之前 係去日本必買既item 個時我都請朋友幫我買過 直到而家我化妝台上依然有唔少佢既product 早前就參加左Jill Stuart係淺水灣THE OCEAN攪既function 當日真係好開心 好多blogger都有出席當中既活動 一入到會場已經見到好多經典既product同相片 MC亦都介紹左好多有關於JILL STUART 既品牌簡介 方向同暢銷產品 會場利用JILL STUART 不同既產品精心擺左好多DISPLAY 真係睇到人好心花怒放 同時當日亦都係品牌2016SUMMER彩妝既一個發佈會 以Romantic Marine為主題 用一系到以藍色為主題既彩妝 突顯Jill Girl係甜美以外既Stylish Sexy 包裝依然係一貫既令人愛不惜手 而產品既配方亦加以改良 做到內外兼備既極緻體現 當中活動請來 JILL STUART Beauty日本品牌經理佐藤小姐致詞 介紹左品牌既最新產品同方向 佢亦都表示品牌會繼續以不同既色彩為方向 研發一d又sharp又易用既產品俾喜愛JILL STUART 既朋友 當日亦請來JILL STUART Beauty日籍化妝師佐藤先生 以今季JILL STUART 浪漫海洋系列既產品示範妝容 首先係示範左以Oceanic Blue為概念 利用左藍色作為主色既清新海洋風夏日妝容 相信好多女仔都唔係好敢用到藍色眼影 但今次JILL STUART 既眼妝以好SOFT既藍色 配搭可愛感十足既夕陽紅色 即使係新手都可以CARRY到 不得不提當中既閃爍藍色眼線 更加係畫龍點精之選 如果唔中意藍色既朋友 亦都可以參考以啡色為主調既妝容 當中以不同色調同光澤既啡金色眼影互相配合 可以更加突顯到眼部既輪廓 再配以橙紅調既胭脂同唇色 呈現出熱帶既性感 當中既活動以CHECK-POINT既形式進行 其中一站係可以去試下Romantic Marine既彩妝 我就緊係要去試下藍色既眼影啦 場內有JS既專業團隊細心幫我地進行Touch-up 化妝 化妝師亦都分享左每項產品既特色同用法 當日亦有手作既活動 我就親手DIY左一條充滿海洋風既頸鍊啦 The Ocean既壽司一向出名新鮮 好味道 當日亦都有機會試到 甜品亦都好有心思配合主題 當然唔可以忘記同靚靚MODEL一齊影張靚相啦 Jill Stuart 2016夏季彩妝會係1 April 2016正式發售 當中有部份更加係限定款 限定外盒及鏡盒設計配上navy blue X white X pinkish red既顏色 以條紋 繩索裝飾作基本 加上粉紅碎花圖案 充份呈現JILL STUART Romantic Marine既浪漫海洋風 所以大家唔好錯過啦 JILL STUART ribbon couture eyes 5色眼影 HK$360.00 當中一定唔可以錯過以Romantic Marine浪漫海洋為風格 盡顯可愛感既5色眼影組合啦 容易使用既4種漸變色可以讓眼眸更突出 眼影組合配以美容油劑成份更加潤澤同富彈力 使用時十分輕柔順滑亦都可以好容易均勻咁blend開 依排我差唔多日日都用都可以KEEP到成日唔駛補嫁 JILL STUART mix blush compact UV veil四色胭脂 HK$300.00 另外 胭脂都係好值得入手既 無論佢個包裝 四色胭脂既多用途 同靚到暈又好用既掃 都係好值得投資既原因 加上今次JILLSTUAR更加入首次增添防曬功效於係四色胭脂入面 為容易曬傷既雙頰提供SPF效果(SPF20/PA++) 補妝同時從紫外線守護肌膚 仲有淡淡既水晶花香味你仲諗咩呢 JILL STUART shelly nuanced eyelid liner液體眼線筆 HK$115.00 今次既夏季彩妝亦出左3款液體眼線筆 筆頭好幼細易畫可以畫出好順滑細緻既眼線 藍色既眼線可女以令眼色的眼妝更加突出閃爍 而粉紅同淺金色既就可以係眼頭、眼尾及下眼簾點綴 亦可以畫係眼袋位置用指尖暈開營造閃閃發亮的眼眸 JILL STUART forever juicy oil rouge sheer透亮果漾唇膏 HK$210.00 最後要介紹下好令我驚喜既果漾唇膏 佢做到唇膏鮮明既顏色 唇彩水潤透亮既光澤 當中既美容油份做到高度既潤澤感 令到咀唇十分滋潤 仲可以遮到唇紋tim 最重要既係佢一d都唔笠 係富果實般透亮鮮明既發色下 打造水潤透亮光澤既唇部 加上佢靚靚既包裝 每次拎出黎補妝都好吸引到注目 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalaw213 Instagram : lny_emma BE :http://www.beautyexchange.com.hk/blog/emmama__2 Elle : http://blogs.elle.com.hk/emmama2/ iTral : http://trial.itrial.hk/member_center.php?action=blog The Ztyle : http://www.theztyle.com/?80365 SHE.COM : http://blog.she.com/emmama2/ **以上為品牌邀請活動 產品由品牌提供**
